"Dracarys" — ukrayin istisalınıñ bagi-pikapı, maşnanı yalıñız arbiy ihtiyaclar içün işlep çıqardılar ve şimdi onı aman-aman bütün cebede qullanalar.
İstisalniñ tesisçisi — Qırım sakini Musa. Orduğa yardım etmege istegenini ayta. Bu ğayeni yerine ketirip, şirketni qurdı.
Musa Suspilne Qırım jurnalistine bagilerniñ nasıl yapılğanı, nasıl qullanılğanı ve ne içün "Dracarys" dep adlandırılğanı aqqında tarif etti.
Musa bagige mine. Bir qaç yıl evelsi onıñ arabalar ya da müendisliknen iç bir alâqası yoq edi. Qırım işğal etilgen soñ qıtaiy Ukrayinağa ketti. Ve Kıyivde yañı ayatnı başlattı.
"Men, esasen, ömürimde teşkilâtçı olam. Ve büyük cenk başlanğandan berli, bizim oğlanlarımız, qorçalayıcılarımız içün faydalı bir şey yapmaq kerek olğanını añladım. Ve böyleliknen, bagilerni yapmaq ğayesi peyda oldı. Bu menim birinci tecribem edi, ve şimdi bu bizim istisalimizge, bizim şirketimizge çevirildi", — dep Dracarys bagileriniñ tesisçisi Musa ayttı.
Musa dedi ki, bagiler, köpçekli tehnika keçmegen zor şaraitte qullanıla bile. Qolay ve areketke qabiliyetli, olarnı ukrayin arbiy hızmetçileri cebede faal qullanalar. Hususan, yaralanğanlarnı eñ telükeli yerlerden tahliye etmek içün.
"Er bir baginiñ, pikapta olğanı kibi, qoşma bir yer bar, umumiy uzunlığı ise — 5 metr. Yani bir "üç yüzci"ni qoymaq mümkün, eki "üç yüzci"ni kuzovğa qoymaq mümkün", — dep Suspine Qırımğa Musa tarif etti.
"Dracarys" bagileriniñ kontseptsiyası üç printsipke esaslana — dizel köçüricisi, yengil kuzov ve büyük keçüv. Qapısı yoq, panelleri yoq ve yüksek boşluqları bar. Bagide iç bir şey yoq — er bir element keçüv ve kontrol içün çalışa.
Maşinanıñ ağırlığı 980 kilogramm. Klirensi — 55 santimetrge qadar. Kapotnıñ altında 1,9-litrlik turbodizel 110 at küçünen çalışa. Köpçek areketi — arqa, bu ise tarla şaraitinde hızmet etüv ve tamirlevni qolaylaştıra. Cenk deñişe — ve onen beraber tehnikağa talaplar da deñişe", — dep Musa ayttı.
"Cebedeki esas mesele, anda olğan tehnikanen bağlı, — fiber optik dronlar. Tek çare — maşnanıñ yüksek tezlikte ketmesi ve yeteri qadar manevrli olması içün tezliktir. Onıñ içün maşinamıznıñ areket qabiliyetini yahşılaştırdıq", — dep o ayttı.
Planları — bagilerni dronlar içün mobil platformalarğa çevirmek. Kelecek ğaye — logistika ve vaqıt zararı olmadan uçucısız uçaq aletlerini anda kerekli olğan yerge ketirmek.
"Bu pek büyük taşıyıcılıqtır, yani er şeyni taşıy bile. Şimdi onı UUA taşıyıcısı olaraq qullanmağa añlaşamız, anda kerek olğan vazifelerni tezleştirmek içün", — dep "Bizge kerek olğan dünya" buhranğa qarşı inkişaf programmasınıñ reberi Oleğ Arseyenko añlattı.
Bugün "Dracarys" bagileri aman-aman bütün cebede çalışa, dep Musa añlattı.
"Tam sayısını aytıp olamaymız, çünki bu gizli malümat. Amma olar qullanıla, ve bagilerniñ çoqusı Sumı yönelişine ketti", — dep Dracarys bagileriniñ esasçısı tarif etti.
"Dracarys" — "Tahtlar oyunı" serialınıñ seyircilerine tanış bir isimdir. Ve, onıñ esasçısı aytqanı kibi, bunıñ manası tam manasındadır.
"Ajderhalar öz duşmanlarını yaqa ediler. Buña köre, "Dracarys"ımız sayesinde biz de duşmanlarımıznı yaqacaqmız, dep qarar berdim", — dep Musa añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
