2026 senesi qara qış ayınıñ 19-nda işğal etilgen Qırımda Rusiye ordusınıñ itibarını tüşürgeniRF CQniñ 20.3.3-nci maddesine dair 1664 dava qayd etildi.
Ukrayina prezidentiniñ Qırımdaki temsilciligi bunı bildirdi.
"Vaqtınca işğal etilgen Qırımda "rusiye federatsiyası silâlı quvetlerini itibardan tüşürüv" maddesiniñ 1664 davası qayd etildi. 1542 davada cöremeler aqqında, cezalar ya da davalarnı birleştirüv aqqında qararlar çıqarıldı. Doquz davasında davalar devam ete. Qararlarnıñ 53%-i (816) qadınlarge qarşı, 47%-i (724) ise erkeklerge qarşı açıldı", — dep haberde qayd etildi.
2025 senesi ilk qış ayınıñ 31-nde temsilcilik 1657 dava aqqında haber etti.
Aynı zamanda böyle davalarnıñ sayısı ep arta. 2024 senesi vaqtınca işğal etilgen Qırımda Rusiye "mahkemeleri" tarafından "Rusiye ordusını itibardan tüşürüv" maddesine istinaden 494 dava, 2025 senesi ise — 518, yani 24 dava, ya da 5%-ge çoqça dava baqıldı.
Eñ çoq dava Ermeni Bazarda yüz berdi. 2024 senesi "Ermeni Bazar şeer mahkemesi" 494 davadan 220-sini baqtı (qararnen 44%-i), 2025 senesi ise — 518 davadav 264-i (51%-den çoq). Bu "mahkeme"niñ işğal etilgen topraqlarda memuriy basqı ve repressiv qararlar çıqarmaq içün esas aletlerden biri olaraq qullanılğanını köstere.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
