İlk qış ayınıñ 19-nci kününiñ ekinci qısmında işğal etilgen Yalta ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında eki metrlik dalğalar ve küçlü yelnen furtuna beklenile. Furtunanıñ eñ küçlü noqtası saat 15:00-te yel Qırım yalısına yaqınlaşqanda, furtuna quvetleşecek. Feodosiya (Kefe) civarındaki Kaygador (Orconikidze) ve Bereğove köylerinde işğalciler küçlü yel ve ava şaraiti sebebinden "vaftiz yuvunmaları"nı lâğu ettiler.
İşğalli Feodosiya (Kefe) "memuriyeti"niñ Telegramında bu aqqında haber etildi.
Hatırlatamız ki, bugün, qara qış ayınıñ 19-nda, Rusiye Ortodoks Kilisesi Vaftiz bayramını qayd ete.
"Ava vaziyeti fenalaşqanı ve yel quvetleşkeni içün Bereğove köyünde ve Kaygador (Orconikidze) qasabasında vaftiz yuvunmaları lâğu etile", — dep haberde bildirildi.
Bular, Keriçniñ "Bora-Bora" plâjı ve Kaygadorda "Priçal 214"tir. İşğal etilgen Feodosiya (Kefe) civarındaki daa eki yerde "vaftiz yuvunmaları" lâğu etilmedi — "Rılka" plâjında ve Köktebelde.
İşğalli akimiyet qara qış ayınıñ 19-nda Qırımdaki 29 yerde taqvimge köre ("eski üslüp") "vaftiz yuvunmaları"nı teşkil etti, dep RİA "Novosti Krım" yazdı.
Hatırlatamız ki, işğal etilgen Qırımda qara qış ayınıñ 16-19 künleri furtuna havfı ilân etildi.
"Furtunanıñ eñ küçlü noqtası saat 15:00-te (qara qış ayınıñ 19-ı) olacaq — furtunalı yel Qırım yalısına yaqınlaşacaq. Yalta ve Feodosiyada (Kefede — terciman) furtuna ola, Qara deñizniñ bazı yerlerinde eki metrge qadar dalğalar çıqaracaq küçlü yel olacaq. Deñiz 10 saat devamında şiddetli furtunağa oğraycaq, ve aqşam furtuna yavaş-yavaş yetecek. Bu vaziyet saat 21:00-ge qadar devam etecek. Bundan soñ, furtuna faal alanı yarımadanı terk etecek. Aynı zamanda Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) yalısında nisbeten tınç deñiz beklenile", — dep Rusiye "Dünya okeanında vaziyet aqqında tek devlet malümat sisteması" bildirdi, dep işğalli "Qırım haber agentligi" haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
