İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ükümeti Ukrayinağa qarşı Rusiye istilâsınıñ iştirakçileri içün iş yerlerini ayırmaq qararını qabul etti.
Bu qarar qara qış ayınıñ 15-nde şeer "ükümeti"niñ toplaşuvında qabul etildi, neticeleri aqqında Sevastopol (Aqyar) "gubernatorı" Mihail Razvojayev Telegramda bildirdi.
"SVOMahsus arbiy ameliyat — Rusiye akimiyeti 2022 senesi Rusiye Federatsiyasınıñ Ukrayinağa istilâsını böyle adlandıra" iştirakçileri içün iş yerleriniñ kvotasını kirsettiler, böyleliknen, iş alğanda içtimaiy qoruvğa muhtac olğan vatandaşlarnıñ kategoriyaları cedvelini kenişlettiler. Bizim qorçalayıcılarımız tınç yaşayışqa qaytıp, bir sıra qıyınlıqlarğa rastkeleler, olarnıñ arasında — iş tapmaq. Kvotalarnıñ kirsetilmesi olarğa stabillikni temin etmege yardım etecek", — dep Razvojayev qayd etti.
İşğal etilgen Qırımda iqtisadiy qıyınlıqlar ve içtimaiy astyapı bozulğanı sebebinden yerli sakinler arasında "SVO iştirakçileri" ve qorantaları içün ayrı imtiyazlar sebebinden narazılıq arta.
"Ateş" arbiy-partizan areketiniñ bildirgenine köre, insanlar tasil, mesken ve içtimaiy resurslarğa musaviy irişim olmağanı aqqında sıq-sıq aytalar. Hususan, "arbiy areketlerniñ iştirakçileri"niñ balaları içün daire ve topraq damartılarınıñ nevbetten tış alınması ve aliy oquv yurtlarına kirişniñ sadeleştirilüvi aqqında söz yürsetile.
Bundan evel "Sarı şerit" areketiniñ faalcileri işğal etilgen Qırım mekteplerinde Ukrayinağa qarşı cenk iştirakçilerinden olğan pedagogik tasil almağan "ocalar" peyda olğanını bildirdiler.
Milliy muqavemet merkezi 2025 senesi boş ayda işğalli Qırım memuriyeti Ukrayinağa qarşı cenk iştirakçilerinden "idareci hadimler" azırlav programması başlatılğanını ilân etti. Bu, Ukrayinanıñ bütün VİETları içün "tek askeriyleştirilgen vertikal" şekillenmesiniñ başlanğıçı ola bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
