Küçlü yağanaqlar sebebinden qara qış ayınıñ 15-nde işğal etilgen Qırımda furtuna havfı ilân etildi. Qar, sılaq qar ve yollar buzlu olacağı beklenile.
İşğalli Qırım FVN öz Telegram kanalında bunı bildirdi.
"Qırım gidrometeorologiya ve etraftaki müit nezareti idaresiniñ malümatına köre, qara qış ayınıñ 15-nde Qırımda qar, sılaq qar ve bazı yerlerde pek küçlü yağanaqlar beklenile. Sılaq qar ve buzlavuq olur. Yollar buzlu olur", — dep qayd etildi.
Bundan ğayrı, yarımadanıñ şimaliy qısmındaki Ay Petri dağına kiriş qapatıldı.
Hatırlatamız ki, qara qış ayınıñ 13-nde Qırımda qar yağğanı içün furtuna havfı ilân etildi. Gurzuf yanındaki qara yolda tıqanıqlıq oldı — bir qaç maşna buzlu yoldan çıqtı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
