Ukraina İnsansız sistemalar quvetleriniñ dronlarınıñ Rusiye işğalli ordusınıñ vaqtınca işğal etilgen Qırımdaki top silâsı yedegine muvafaqiyetli ücüm etkenini yoldaş resimleri tasdıqladı.
Dnipro Osint leyhasınıñ analitikleri bunı bildirdiler ve bu yoldaş resimlerini derc ettiler.
Ücüm 2026 senesiniñ başında Mijğirya (BaqsanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) köyüniñ civarında oldı. Resimlerde qayd etildi ki, Rusiye işğalli ordusınıñ top silâsı saqlanılğan eñ az üç bina zarar kördi olarda.
Hatırlatamız ki, qara qış ayınıñ 7-nde Mijğirya (Baqsan) köyü yanında top silâsınen rusiyeniñ yedegine yapılğan ücüm aqqında Ukrayina insansız sistemalar quvetleriniñ komandanı Robert "Madâr" Brovdi bildirdi. Onıñ aytqanına köre, böyle zararlar Rusiye işğalcileriniñ arbiy faalligini eksiltmek maqsadınen yapıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
