Aqşam maalinde işğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Canköy rayonlarında, Simferopol (Aqmescit) ve Canköy şeerlerinde elektrik yoq oldı. RF Mudafaa nazirligi Qırım üzerinde 17 dron tüşürilgenini bildirdi.
Elektrik energiyanıñ yoq oluvı aqqında Suspilne Qırımğa yerli sakin de aytıp berdi.
"Tünevin gece saat 19:00-dan saat 01:00-ğa qadar Canköyde elektrik yoq edi", — dep qayd etti o.
Qırımnıñ şimaliy-şarqındaki Canköyde 330 kV yüksek voltlu elektrik ast stantsiya zarar kördi. "Qırım yeli" ve "Supernova+" Telegram kanalınıñ şaatlarınıñ bildirgenine köre, başta obyektniñ toprqağına dron parçaları tüşti, soñra ise doğrudan-doğru ücüm oldı. Yerli sakinlerniñ aytqanına köre, patlavlardan soñ şeer ve Canköy rayonınıñ bir qısmı elektriksiz qaldı.
Ast stantsiya yandı, ve, şaatlarnıñ aytqanına köre, bütün şeer ve rayonnıñ bir qaç köyü elektriksiz qaldı. "Tehnologik bozuqlar" sebebinden işğalli "Krımenergo" şirketi Yevpatoriya (Kezlev), Simferopol (Aqmescit) ve Canköy rayonlarında, em de Canköy şeerinde elektrik kesüv cedvellerini kirsetti.
Soñra şirket böyle bir beyanatnı tüzetti:
"Ağlardaki tehnologik bozuqlar sebebinden Simferopol (Aqmescit), Yevpatoriya (Kezlev), Canköy şeerlerinde, Saq, Simferopol (Aqmescit) ve Canköy rayonlarında qullanıcılar elektrikten söndürildi. Eki saat içinde elektrik teminatı bütünley ğayrıdan tiklenecek".
RF Mudafaa nazirliginiñ malümatına köre, qara qış ayınıñ 13-nde saat 18:00-da ve qara qış ayınıñ 14-ne keçer gecesi yarımada üzerinde 17 dron, Azaq deñizi üzerinde 18 dron ve Qara deñiz üzerinde eki dron urulğan edi.
Canköy ast stantsiyası — yarımadanıñ eñ büyük yüksek voltlu elektrik stantsiyalardan biri, Qırımnıñ şimaliy-şarqında yerleşe.
Hatırlatamız ki, qara qış ayınıñ 13-nde saat 12:00-17:00 arasında Qırım üzerinde 22 dron tüşürildi, dep RF Mudafaa nazirligi bildirdi.
Aynı zamanda yerli sakinler tuman, patlavlar ve uçaqlarnıñ areketleri aqqında bildirdiler. Hususan, Simferopol (Aqmescit) rayonında Ğvardiyske tarafından tuman köründi, Keriçte bir saat devamında patlavlar oldı, raketa izleri köründi, em de Qurman rayonında Rusiye AMS çalıştı.
Qara qış ayınıñ 12-nde aqşam ve qara qış ayınıñ 13-nde gece Keriç ve Canköy rayonlarında patlavlar oldı. RF Mudafaa nazirligi, Rusiye ava mudafaası quvetleriniñ yarımada üzerinde 37 dronnı urıp tüşürgenini bildirdi.
Ukrayina mudafaa quvetleri qara qış ayınıñ 8-ne keçer gecesi işğal etilgen Qırımda "Ğvardiyske" neft bazasınıñ tolduruv eskadrasında yaqarlıq taşıyıcı anbarına ücüm etti.
Qara qış ayınıñ 7-nde, Rusiye ve Ukrayinanıñ işğal etilgen topraqlarında yañı ketirilgen zarar aqqında bildirildi. Hususan, işğal etilgen Qırımnıñ Mijğirya (BaqsanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) mesken yerindeki top anbarına dronlarnen ücüm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
