Qara qış ayınıñ 12-nde aqşam ve qara qış ayınıñ 13-nde gece işğal etilgen Qırımnıñ Keriç ve Canköy rayonlarında patlavlar oldı. RF Mudafaa nazirligi, Rusiye ava mudafaası quvetleriniñ yarımada üzerinde 37 uçucısız uçaq aletini urıp tüşürgenini bildirdi.
Qara qış ayınıñ 13-nde RF mudafaa nazirligi Telegram kanalında bunı bildirdi.
Olarnıñ malümatına köre, Qara deñiz üzerinde altı dron ve Azaq deñizi üzerinde daa altı UUA urulğan.
Qara qış ayınıñ 12-nde aqşam Keriçte patlavlar oldı, bunı yerli sakinler Suspilne Qırımğa bildirdiler. Aynı vaqıtta Qırım köprü qapatıldı.
Bundan ğayrı, patlamalar Canköyde de eşitildi, şaatlar bunı "Qırım yeli" Telegram kanalına bildirdiler.
Hatırlatamız ki, işğal etilgen Qırımda qara qış ayınıñ 12-nde gece "Belbek" ava limanı yanında patlavlar oldı, em de Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ava telükesi ilân etildi. Rusiye Mudafaa nazirligi yarımada ve Qara deñiz üzerinde dronlarnıñ tüşürilgeni aqqında bildirdi.
Sevastopol (Aqyar) "gubernatorı" Mihail Razvojayevniñ bildirgenine köre, şeerde dört dronnı urıp tüşürdiler, parçaları Balıqlavada tüşti.
Ukrayina SQniñ Baş ştabı qara qış ayınıñ 8-ne keçer gecesi işğal etilgen Qırımda "Ğvardiyske" neft bazasınıñ tolduruv eskadrasında yaqarlıq taşıyıcı anbarına ücüm etti.
Qara qış ayınıñ 7-nde, Rusiye ve Ukrayinanıñ işğal etilgen topraqlarında yañı ketirilgen zarar aqqında bildirildi. Hususan, işğal etilgen Qırımnıñ Mijğirya (BaqsanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) mesken yerindeki top silâsınen anbarğa dronlar vastasınen ücüm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
