"256-ncı kiber ücüm diviziyası" ukrayin haker taqımı InformNapalm halqara istihbarat toplulığınen işbirlikte Rusiye, Avropa, Ğarbiy Asiya ve Afrika memleketleriniñ işğal etilgen Qırımdan qara bazarlarına Rusiye silâsınıñ elastısınen bağlı shemasını ögrendi.
InformNapalm saytında böyle malümat yazıldı.
Silânı cenk areketleri zonasından ketirdiler, soñ onı Rusiyeniñ "kölge flotu"nıñ tankerlerinen taşıdılar.
"CYBINT-operatsiyaları vaqtında elde etilgen malümat, Zaporijjâ ve Herson yönelişlerinde Rusiye arbiy hızmetçileri vaqtınca işğal etilgen topraqlardan vaqtınca işğal etilgen Qırımğa silâ ketirüv kanalını qurdılar. R-280 qara yolunıñ blok noqtalarıda Berdânsk — Melitopol — Çongar — Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) qısımlarında şübeli yüklerni ya da baqılmayıp (daimiy ve teşkerilgen müşteriler içün hızmet) keçirgen, ya da yollanılğan yükniñ kerçek içindekine vesiqalarnıñ uyğun olmağanına rüşvet alıp köz yumğan Rosgvardiyanıñ belli deñişmeleriniñ "iş cedveli" aqqında söz kete", — dep haberde qayd etildi.
Operatsiya vaqtında Zaporijjâ yönelişinde areket etken 291-inci gvardiya motoatıcı polkunıñ (42-nci MVD, 58-inci umumiy arbiy ordu) "V Storm" ücüm taqımınıñ komandiri mayor Yevgeniy Dmitriyev kibi Rusiye zabitleriniñ esapları açıldı, dep InformNapalm yazdı.
Taqiqat müellifleriniñ malümatına köre, "İspanets" lağabı altında Stanislav Orlovnıñ öldürilmesi cenk areketleri alanından silânı çıqarmaq içün logistika marşrutları qullanılğanı sebebinden olğan zıddiyetlernen bağlı.
İlk qış ayınıñ 4-nde işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiyeniñ "Espanyola" brigadasınıñ tesisçisi öz yazlıq evinde atıp öldürildi, dep ASTRA Rusiye neşiri, video nezareti kameralarından alınğan malümatqa esaslanıp, bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
