Ukrayinada Qırımdan işğalli mahkemecini 12 yılğa azatlıqtan marum etüv cezasına mahküm ettiler. Onı devlet hainligiUkrayina CQniñ 111-1-nci maddesiniñ 7-nci qısmınde qabaatladılar.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurotlığı bunı bildirdi.
"Prokurorlar, 2023 senesi Ukrayina vatandaşı "Qırım Cumhuriyeti Arbitraj mahkemesi"niñ mahkemecisi olıp çalışqanını ve alâ daa Rusiye Federatsiyası adından ve menfaatlarında qarar alğanını isbatladılar. Böyleliknen, mahküm etilgen adam Qırım toprağında işğalli mahkeme sistemasınıñ çalışmasına yardım ete", — dep haberde qayd etildi.
Suspilne Qırımnıñ menbalarınıñ bildirgenine köre, mahküm etilgen adam — İlgov Vadım Valeriyovıç.
Umumen, işğalci devletniñ temsilcilerinen işbirlik yapqanları içün Ukrayinada yarımadadan 56 işbirlikçi mahküm etildi, daa 234 insanğa nisbeten mahkeme baqıluvı devam ete, dep QMC prokurorlığı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
