RF Mudafaa nazirligi qara qış ayınıñ 7-nde saat 22:00-den başlap qara qış ayınıñ 8-nde saat 06:00-ğa qadar işğal etilgen Qırımnıñ üzerinde 14 uçucısız uçaq aletini tüşürgeni aqqında bildirdi. Daa 12 dron, Rusiyeniñ malümatına köre, Qara deñiz üzerinde tüşürildi.
RF Mudafaa nazirligi Telegramda bunı bildirdi.
Patlavlar aqqında "Qırım yeli" resursı da haber etti. Hususan, gece yarısında, kanal abunecileriniñ malümatına köre, patlavlar Keriçte yüz berdi.
Bundan da ğayrı, "Qırım yeli" Mişen Nayman köyü civarında tüşken dronnıñ parçalarınıñ fotoresimlerini derc etti.
Reaktiv UUAniñ uçuşları aqqında Yaltada ve Saqlarda patlavlar aqqında haber etildi.
"Saq şeeriniñ civarında saat 00:20-de altı küçlü patlav oldı. O vaqıttan berli Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — tercman) ve Saqta er 15-20 daqqa içinde patlavlar ola", — dep haberde qayd etildi.
Ukrayina tarafı malümatnı izaatlamadı.
Hatırlatamız ki, qara qış ayınıñ 7-nde Ukrayina arbiy silâlı quvetleriniñ İnsansız sistemalar quvetleri Rusiyede ve Ukrayinanıñ işğal etilgen topraqlarında yañı ücümler aqqında haber etti.
İşğal etilgen Qırımda Mijğirya (BaqsanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) meskün yerindeki top silâsı anbarına ücümi aqqında belli oldı. Qara qış ayınıñ 7-nde Facebookta USQniñ İSQniñ komandanı Robert Brovdi ("Madâr") haber etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
