İşğalciler tarafından devlet hainliginde qabaatlanğan ve eki yıldır Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) SİZOsında tutulğan sabıq ukrayin arbiy hızmetçisi Ruslan Çornıy-Şvetsniñ sağlıq alı fenalaştı. Qoranta, onıñ şeker hastası içün kerekli ilâclarnı zornen bere. Onıñ davasınıñ mahkeme oturışı qara qış ayınıñ 30-na planlaştırıla.
Qırımtatar resurs merkeziniñ idare reisi Eskender Bariiev Facebookta bunı bildirdi.
"51 yaşındaki Ruslan Çornıy-Şvets bir qaç yıldan berli şeker hastası ola ve sağlığını saqlamaq içün er kün eki insulin ilâcını almalı. Apiske alınğan ve eki yıl SİZOda yatqan soñ Ruslannıñ sağlığı fenalaştı. Ruslannıñ bütün tibbiy ilâcları SİZOğa zornen yollanıla", — dep qayd etti o.
Ruslan Çornıy-Şvets 2023 senesi ilk qış ayınıñ 27-nde evinde tutuldı, aynı şu künü daa bir sabıq arbiy hızmetçi Serğiy Lıhomanovnı belgisiz yerge alıp kettiler, dep Bariiev yazdı.
"Ruslana Aqyar (Sevastopol) SİZOsına qapatıldı ve rf Ceza qanunnamesiniñ 275 maddesi ("Devlet hainligi") boyunca qabaatlandı, Serğiy Lıhomanov ise Aqmescitteki (Simferopoldaki) 8-nci SİZOsına alıp ketirildi, anda o, bir kişilik kamerağa qapatıldı", — dep QRMniñ idare reisi bildirdi.
Ruslan Çornıy-Şvetsniñ davası işğal etilgen Sevastopolnıñ (Aqyarnıñ) yerli "mahkemesi"nde baqılmaq içün qaldı. Kelecek mahkeme oturışı 2026 senesi qara qış ayınıñ 30-nda olacaq, dep Eskender Bariiev bildirdi.
2024 senesi mayısnıñ 15-nde işğalli Sevastopol (Aqyar) mahkemesi Serğiy Lıhomanovnı "patlayıcını alıp ketkeni ve saqlağanı" içün sert rejimli müstemlekede 5 yılğa ve 50 biñ ruble para cezasına mahküm etti.
2025 senesi orta küz ayınıñ 8-nde Rusiye mahkemesi daa bir üküm çıqardı — "devlet hainligi" içün 15 yılğa üküm etti.
"Mahkeme"de Lıhomanov qabaatını tanıdı, amma qorantası oña basqı yapılğanına emin, dep Suspilne Qırımğa arbiy hızmetçiniñ qardaşı Tetâna bildirdi.
"Eminim ki, o, qabaatını aqiqatta qabaatlı olğanı içün degil, ailesi qorqqanı içün itiraf etti. Olar qayda basılacağını bile ediler. Onıñ balası küçüktir — olarğa bir şey yapmamaları içün er şeyni imzalay bile edi. Ağam adiy bir insandır. Amma o, terrorist ya da hain degil. Başqalarnı qorqutmaq içün onı "mükemmel bir duşman" olaraq köstereler", — dep Tetâna ayttı.
2025 senesi boş ayda onı Rusiyeniñ Taganrog şeerindeki 2-nci tahqiqat izolâtorına (SİZO) etap ettiler. Anda o, qanunsız cezasını çekmege devam etecek. Bir qaç afta devamında qorantası onıñ bulunğan yerini bilmey edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
