Tolu miqyaslı istilâ başlağan soñ polis hızmetini terk etip, memleketni qorçalamağa ketti. Saban ayınıñ 23-nde Zaporijjâ yönelişinde elâk oldı. Bu, "Magura" 47-nci ayrı mehanizatsiyalı brigadasınıñ askeri Vsevolod Ğrabarnıñ ikâyesidir.
Oña Ukrayina Qaramanı unvanı berilmesi içün berilgen muracaat artıq zaruriy sayısını topladı.
Apayınıñ arzusı, beş yaşında oğlu babasınıñ arzusını yerine ketirip, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Ukrayina bayrağını kötermektir. Daa tafsilâtlı malümatnı Suspilne Qırımnıñ malümatında oquñız.
Yuliya Ğrabar aqayınıñ arbiy saatinii köster.e Vsevolod ölgen vaqıt o, qolunda edi.
"Er kün aqşam saat 11-de çala, çalar şaati kibi. Ne içün bu vaqıt, ne içün Seva bu saatni saat 11-ge qoymağa istegenini bilmeyim, amma bu er gece onıñ bar olğanını, onıñ yanında olğanını ve bizni hatırlağanını hatırlatır", — dep Yuliya Ğrabar ayttı.
Endi eki buçuq yıldan berli Yuliya Vsevolod olmadan yaşamağa ögrene. On yaşındaki qızı ve beş yaşındaki oğlu babasız öse.
"Er kes bir yıl ya da eki yıldan soñ yahşı olacağı aqqında ayta edi. Eki buçuq yıl keçti. Bundan daa yahşısı yoq. Ve iç bir vaqıt olmaycaq. Onıñ yoqluğı bazıda meni qıynap tura. Çünki men Marğarıta ve Danânıñ babasınen oynamalarını ister edim. Marğarıta, babasını quçaqlağan balağa diqqat etkende, pek yaramay ola. Bu pek yaramay bir şey", — dep Yuliya añlattı.
O, cenkten evel olğan bahtlı yaşayışları aqqında tarif ete. O — Sevastopoldandır (Aqyardandır). 2007 senesi Kıyivge Şevçenko adına universitetinde oquşqa keldi. O yerde tanış oldıq. Toy — Kamyanets-Podilskıy şeerinde olıp keçti.
"Biz mında eki gögercinni uçurdıq, Sevanıñ gögercini uçıp ketti, menimki ise diger tarafqa uçıp ketti. Bilmeyim, belki de bu bir şey kösterdi, amma men iç bir vaqıt böyle masallarğa inanmadım", — dep o ayttı.
2014 senesi Vsevolod, islâat etilgen Milliy poliste hızmet etmege ketti. Başta — paytahtta, soñra, yañı doğğan qızınen, Yuliyanıñ tuvğanı şeeri olğan Hmelnıtskıyğa köçtiler. 2022 senesi tolu miqyaslı istilâ başlağan soñ polis hadimi Vsevolod Ğrabar USQne kirmege qarar berdi.
"Belki de kerek degil, Seva", dedim. Amma o dey edi: "Eger evde otursam, evim olmaz". Ve o dey edi: "Menden ğayrı, Sevastopolnı kim qoruycaq? Kim qorçalaycaq? Evimni azat etmege isteyim, balalarğa Qırımnıñ, Sevastopolnıñ güzelliklerini köstermege isteyim", — dep Yuliya Ğrabar añlattı.
Almaniyada oquğan soñ, Vsevolod "Magura" 47-nci ayrı mehanik brigadasında hızmet etti. 2023 senesi mayısnıñ 10-nda Yuliyağa onıñ aqayı ölgenini bildirdiler.
"Bunı aytqanda, men ağlamadım. Çünki inanmağan edi. Soñ evge kelip, Sevağa telefon etmege başladım, o ise cevap bermey edi. Soñ qardaşıma telefon ettim. Eger Seva bağlanıp çıqmasa, men telefon etsem dep, o maña beş nomera berdi. O da: "Ebet", — dep cevap berdi. Men de: "Onı körmegensiñiz", dedim. O da: "Yoq, amma öyle de ola". Men aytam: "O vaqıt men inanmayım", — dep elâk olğan askerniñ apayı ayttı.
Soñ qadın, Vsevolodnıñ soñki kününi nasıl keçirgenini ögrendi.
"Seva ynında belli olmağan bir şey patladı, ve küçük bir parça boynundan keçip, qoqusına tüşti. Qardaşlarınıñ aytqanlarına köre, başta olar tüşündiler ki, Seva bir şey qıdıra, bir şeyni ğayıp etken ve: "Men 200-ncim" dep qıçırğanda tüşip qıçıra edi. "Ne içün qurtarmadıñız?" — dep sorasam, birden ameliyat etmek kerek olğanını ayttılar. Amma o vaqıt kimse bu kibi vaqialarğa azır degil edi. Ücüm daa etilmedi, ve yol pek uzaq edi", — dep Yuliya añlattı.
Yuliya, Vsevolod Ğrabarğa Ukrayina Qaramanı unvanını bermege muracaat etti. Muracaat, kerekli sayısını endi topladı. Arzularınıñ arasında — balalarnıñ babasınıñ vatanını ziyaret etmeleri.
"Men Sevastopolnıñ bizim olacağına ve Danâ babasınıñ arzusını kerçekleştirecegine ümüt etem. Ukrayina bayrağını Sevastopol üzerinde köterecekmiz", — dep Yuliya Ğrabar ayttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
