"Sarı şerit" areketiniñ faalcileri, işğal etilgen Qırımda Rusiye arbiy hızmetileri yerli sakinlerden benzin hırsızlağanlarını bildireler.
Areket Telegramda bunı bildirdi.
"Sarı Şerit" areketiniñ faalcileri bildireler ki, işğal etilgen Canköyde Rusiye arbiy hızmetçileri yerli sakinlerniñ maşinalarından benzin tökeler. Maşnalarını evniñ yanında qaldırğan yerli sakinlerden yaqarlıqnı alalar, işğalcilerni bu yapqanda tutqanlar, amma olar bunı "öz ihtiyacları içün" dep añlatalar. Yerli işğalli polis işğalcilerniñ bu cinayetlerine cevap bermey", — dep haberde qayd etildi.
Hatırlatamız ki, Yañı yıl bayramları vaqtında işğal etilgen Qırımda Rusiye arbiy hızmetçileri tarafından, hususan, arbiy nevbette bulunğanlar tarafından arbiy tertip bozulması aqqında çoq adise qayd etildi.
Qırım.Aqiqatqa #LiberateCrimea cemaat kampaniyasınıñ Qırım faalcisi anonim şekilde bunı bildirdi.
Subetdeşniñ aytqanına köre, arbiy tertip bozuvları "Bars-Krım" topraq mudafaası bölüklerinde qayd etile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
