İşğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ Tereşkova yalısında Rusiye arbiy hızmetçileri ateş noqtalarını quralar.
İlk qış ayınıñ 30-nda Telegramda "Ateş" arbiy-partizan areketiniñ agentleri bunı bildirdiler.
"R*şistler ukrayin desantına ciddiy işanalarmı? Ya da işğalli memuriyet paralarnı kene masraf etip başladımı?", — dep haberde qayd etile.
Bundan evel "Ateş" areketi işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye AMSnıñ esas merkezini tapqanını bildirdi, rusiyeliler onı tehnika maketlerinen gizleyler.
Daa evel partizanlar bildirdiler ki, işğal etilgen Qırım ve Donetsk hastahanelerinde bulunğan yaralanğan Rusiye arbiy hızmetçileri sağlıq vaziyetine baqmadan, esasen Zaporijjâ yönelişinde ücüm areketlerinde iştirak etmek içün, muntazam sürette cebege qaytarıla.
İlk qış ayında "Ateş" areketi işğal etilgen Qırımda Rusiye Federatsiyası Arbiy-silâlı quvetleriniñ 8-inci ayrı artilleriya polkunıñ yerleşkeni aqqında tarif etti. Onıñ bölükleri Herson vilâyetiniñ atışlarında iştirak etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
