"Ateş" arbiy-partizan areketi RF Silâlı quvetleriniñ Cenübiy arbiy okrugınıñ 22-nci arbiy korpusınıñ 8-inci ayrı topraq polkunıñ (arbiy bölük 87714) işğal etilgen Qırımda bulunğanını bildirdi. Partizanlarnıñ malümatına köre, polknıñ bölükleri Herson vilâyetiniñ artileriyanen ateşke oğrağan, onıñ neticesinde vatandaşlar arasında elâk olğanlar ve grajdan infrastruktura obyektlerine zarar ketirgenler.
Areket ilk qış ayınıñ 20-nde Telegram kanalında bu aqqında bildirdi.
"Ateş" agentleri bölükniñ koordinatlarını berdi: 44.84278, 34.3225. Anda olar "anormal derecede çoq benzin vagonları"nı kördiler. Bu, partizanlarnıñ tahminlerine köre, kelecekte yoqıt qıtlığınıñ acele bir şekilde toplanğanını köstere bile.
Bundan ğayrı, "Ural" arbiy yük maşnalarınıñ faaliyeti qayd etildi. "Ateş"niñ malümatına köre, arbiyler qoşma gizlenüv tedbirlerini qullanalar — ağlarnıñ qullanılması ve territoriya patrul etilmesi.
Bundan da ğayrı, areket iştirakçileri ştabnıñ muhtemel yerini, tehnikanen olğan odalarnı ve hadimlerniñ yerleşüv alanını teşkergenlerini bildirdiler.
Daa evel "Ateş" areketi, onıñ agentleri Qara deñiz flotunıñ 758-inci maddiy-tehnikiy teminlevi merkeziniñ (63876) Sevastopolda (AqyardaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) teşkerüvini keçirdi, dep bildirdi. Hususan, komandanlıq binalarınıñ ve resurslarnı saqlamaq içün müim yerlerniñ tam koordinatları qayd etildi.
Bundan evel areket partizanları Rusiye Qara deñiz flotunıñ esas infrastruktura merkezi — Sevastopol (Aqyar) körfeziniñ keşif neticeleri aqqında haber etken ediler. Partisanlarnıñ toplağan malümatını Ukrayina mudafaa quvetlerine teslim ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
