Qırımnı işğal etüv vaqtında işğal akimiyeti tarafından yapılğan repressiyalar sebebinden 30 biñden 50 biñgece qırımtatar ketti. Rusiye yarımadanı qanunsız basıp almazdan evel mında 300-320 biñ qırımtatar yaşay edi.
«Suspilne Qırım»ğa bergen intervyüsında qırımtatar halqı Meclisiniñ başı Refat Çubarov bu aqqında bildirdi.
"Çeşit türlü raqamlar bereler, çünki çoqtan berli cedvelge alınmağan – 300-320 biñ. Ve şimdi bu aman-aman 12 yıllıq işğal devamında, kene de, ekspert malümatlarına köre, Qırımnı 35 biñden 50 biñge qadar qırımtatar terk etti. Çubarov Rusiye işğal etilgen yarımadada halqnı deñiştirüv siyasetini alıp barğanını, Qırımğa millionğa yaqın ruslarnı köçürgenini de hatırlattı. Ve olarnıñ ekseriyeti ketti — bu tamam 2022 senesi, işğalciler seferberlik ilân ettiler ilk küz ayıdan başlap. Ve bu seferberlik, bu çağıruvlar, olarnıñ sayısı tamam ruslar özlerine sadıq olmağan dep sayğan, ve mutlaqa doğru sayğan insanlarğa doğrultılğan edi — bu qırımtatarlardır. Ve bazı köylerde mobilizatsiyağa yollanılğan povetsalarnıñ 80% qırımtatarlarğa ketti. Adamlar bunı deral sezdiler. Ve soñra qırımtatar halqınıñ Meclisine insanlar er angi bir şartlarda seferberlikten qaçınsınlar degen muracaat da oldı. Yahşı, işğal altında nasıl etip ondan qaçınacaqsıñ? Ve Qırımdan ketmege başladılar. Ve şunıñ içün şimdi
"Ebet, olarnıñ arasında arbiy hızmetçilerniñ qoranta azaları, çeşit qurulışlardan cezacılar, prokuratura, FSB, teşkerüv komiteti ve ilâhre. Amma pek büyük bir qısmı hırsızlanğan topraqqa yerleşmekni özleri içün mutlaqa mümkün dep sayğan adamlar. Biz olarnıñ episini cinayetçiler dep sayamız. Ukrayina qanuncılığına köre, bu insanlar azat etilgen soñ Qırımda qalmasınlar», — o dedi.
Ne içün aynı yarımada cenkni bitirüvde esas element oldı, ve eger kimdir Rusiyenen «kompromissler» yapmağa razı olsa, dünya havfsızlığı ne olacaq, subetniñ metin variantında oquñ ya da «Suspilne Qırım»nıñ YouTube kanalında baqıñız.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
