İşğal etilgen Qırımda "Artek" bala lagerinde gripp hastalığı qayd etile. Lagerdeki mektep karantinge qapatıldı.
Radio Svobodanıñ "Qırım.Aqiqat" leyhasınıñ jurnalistlerine #LiberateCrimea halqara kampaniyasınıñ Qırım faalcisi bunı bildirdi.
Onıñ malümatına köre, bunıñ neticesinde "Artek"te 14-ünci smena bozulğan.
"Qırımda Rusiye akimiyeti "Artek"te epidemiologik vaziyetniñ kerginleşmesine cevap bermey, çünki lager Rusiye Federatsiyası Tasil nazirligine boysunğan bir müessise ola. Bu arada lagerde hasta balalarnıñ sayısı arta. Bütün taqımlar karantinde buluna. Hasta balalar lagerniñ sıqıştıruv izolâtorına yollanıla, amma ana-babalar deyler ki, anda paratsetamol ve termometrden ğayrı bir şey berilmey. Aksine, balalar virusnen paylaşa, alları fenalaşa ve soñunda olarnı bala hastahanelerine yollaylar, olar da Arteklilernen tolu", — dep faalci bildirdi.
İçtimaiy ağlarda balalar "Artek"teki telükeli epidemiologik vaziyetni tasdıqlay, dep "Qırım.Aqiqat" leyhası haber etti.
Rusiye kontrolindeki lager memuriyetinden balalarnıñ kütleviy şekilde hastalanğanı aqqında resmiy haberler kelmedi.
Hatırlatamız ki, "Sarı şerit" areketiniñ iştirakçileri bildirgenine köre, işğal etilgen Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) hastahaneleri, em de Keriçteki hastahanelerge hastalarnı qabul etüv cedvelini bir qaç aftağa keçirmege başladılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
