Deñizden esas telüke Qırımdan ballistika ve "şahedler"dir — Pletençuk

Rusiye Ukrayinağa deñizden basqı yapmağa tırışa, ava ücümlerini quvetleştire ve deñiz logistik yollarını kesmege tırışa. İşğal etilgen Qırımdan ballistik raketalar ve Qara deñizden ücüm etici dronlar esas telükeler olaraq qala.

İlk qış ayınıñ 22-nde USQniñ Arbiy deñiz quvetleriniñ matbuat kâtibi Dmıtro Pletençuk "Yedıni Novını" telemarafonınıñ canlı yayınında bunı ayttı.

Onıñ aytqanına köre, rusiyeliler ava ücümlerini faal qullanıp, Ukrayinanı deñizden "kesip almağa" tırışalar, çünki "deñiz koridorı" vastasınen ital-ihrac ameliyatlarınıñ müimligini añlaylar. O añlattı ki, Mudafaa quvetleri içün esas mesele işğal etilgen Qırımdan ballistik raketalarO, kosmosqa yüksek uçıp, soñ ise maqsadına tüşe, bu ise, onı uzaq mesafelerge (özek, himiyeviy, adiy) quvetli silâ taşığan obyekt olaraq qarşılamaq içün qıyın ola. ve deñizden şahedlerniñ ücümleri olıp qala. İşğal etilgen yarımadada mahsus tedbirler bu telükeni yoq etmek içün keçirile.

"Başta bizler (Qırımda — muar.) radiolokatsiya aletleriniñ bozulğanını kördik, şimdi ise uçaqlarnıñ bozulğanını köremiz. Çünki bizim esas meselemiz — bu ava boşluğıdır, deñizge olar (Rusiye gemileri — muar.) şimdi çıqmaylar, faalligi yoq, ve Rusiye bazaları qoruy, amma daa az sayıda birliklernen, katerlernen, ve maqsat olaraq olar bizim içün pek qıymetli degil. Amma bu teatr yaşay ve duşman Qara ve Azaq deñizlerinde iç bir şey yapmamaq kerekligini añlasın dep, er şey yapamız", — dep Pletçençuk ayttı.

Hatırlatamız ki, ilk qış ayınıñ 20-nde Ukrayina Havfsızlıq hızmeti bildirdi ki, "Alfa" mahsus operatsiyalar merkeziniñ uzaq ücüm etici dronları işğal etilgen Qırımdaki Belbek Rusiye arbiy ava limanında eki Su-27 uçağını urdı. Eki uçaqnıñ fiyatı 70 million dollar.

"Uçaqlardan biri uçuruv yolunda edi, silâsınen tolu edi ve cenk uçuşına azır edi. O yoq etildi", — dep haberde aytıldı.

Havfsızlıq hızmeti dispetçer qullesi de zarar körgenini tasdıqladı, bu ise ava limanında uçuşlarnıñ teşkiliy ve nezaretini qıyınlaştıra bile.

İlk qış ayınıñ 22-nde Ukrayina Silâlı quvetleriniñ Baş ştabı işğal etilgen Qırımda Tarhanqut yarımadasında bulunğan Rusiye ordusınıñ 92-nci brigadasınıñ dere qayıqlarınıñ vaqtınca noqtasına ücüm etilgenini bildirdi. Ukrayina arbiy hızmetçileriniñ malümatına köre, zarar ketirgen yerlerde büyük yanğın qayd etildi. Müessise, ücüm Ukrayina tarafından yapılğan raketanen yapılğanını qayd etti.

Читати ще