İlk qış ayınıñ 17-de aqşam ve 18-de gece işğal etilgen Qırımnıñ "Belbek" ve "Qaçı" ava limanları yanında, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ve daa bir qaç rayonında patlavlar duyuldı. İşğalciler ava mudafaası sistemasınıñ (AMS) çalışqanını bildirdiler.
Böylece, işğalli Sevastopol (Aqyar) gubernatorı Mihail Razvojayev ilk qış ayınıñ 17-nde aqşam bildirdi ki, şeerde AMS ve RF Qara deñiz flotunıñ quvetleri Ukrauina Silâlı quvetleriniñ ücümini toqtatıp, 11 ava maqsadını urıp tüşürdiler.
Bundan da ğayrı, o, ava telükesi aqqında 18:58 saatten 20:27 saatke qadar haber etti.
RF Mudafaa nazirligi bildirdi ki, ilk qış ayınıñ 17-nde saat 11:00-dan 23:00-ğa qadar AMS Qırım üzerinde 20 ve Qara deñiz üzerinde 18 dronnı urdı. Bundan da ğayrı, ilk qış ayınıñ 18-nde saba, Rusiye nazirliginiñ malümatına köre, yarımada üzerinde daa dört UUA ve Qara deñiz üzerinde daa beş UUA yoq etildi.
Aynı vaqıtta yerli sakinler "Qırım yeli" Telegram kanalına ilk qış ayınıñ 17-nde Sevastopolnıñ (Aqyarnıñ) Qurman qasabası yanında, Keriçniñ Bağçasaray rayonında ve "Belbek" ve "Qaçı" ava limanları toprağında patlavlar eşitilgenini bildirdiler. Aynı şu künü gece, Gvardiyske qasabası civarında bir qaç patlav aqqında haber etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
