Ukrayinada Qırım Muhtar Cumhuriyeti Devlet ekologik inspektsiyasınıñ yolbaşçısınıñ sabıq muavini, 2021 senesinden başlap işğalli Qırım Ekologiya nazirliginiñ "başı" vazifesini eda etken qadın devlet hainligiUkrayina CQniñ 111-nci maddesiniñ 1-nci qısmı içün 14 yılğa mahküm etildi.
İlk qış ayınıñ 15-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber berdi.
İşğalli vazifede mahküm etilgen qadın bir qaç kere Rusiye Federatsiyası naqliyat naziriniñ teşekkürnamesi, "Qırımnıñ Rusiyenen birleşmesiniñ beşinci yıllığı munasebetinen" medali ve "Tabiat qoruvınıñ mükâfatlayıcısı" memuriyet mukâfatını aldı.
"Böylece, mahküm etilgen yarımadada işğalli akimiyet organlarınıñ çalışmasını temin ete ve istilâcı devletniñ vekillerine Ukrayinağa qarşı bozuv faaliyetini alıp barmaqta yardım ete", — dep haberde qayd etildi.
Daa evel Ukrayina İçki işler nazirliginiñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayon bölüginiñ sabıq yolbaşçısı devlet hainliginde qabaatlı tanıldı ve 13 yılğa mahküm etildi. Bundan da ğayrı, o, "polis polkovnik-leytenantı" unvanından marum etildi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
