Devlet taqiqat bürosı, Ukrayina İçki işler nazirliginiñ Qırımdan üç sabıq arbiy hızmetçisine devlet hainligiUkraynina CQniñ 111-nci maddesiniñ 1-nci qısmınde şübe bildirdi, çünki olar antlarını bozıp, işğalcilerge qol tuttılar.
DTB ve Qırım prokurorlığınıñ matbuat hızmetleri bu aqqında haber etti.
"Şübelilerden biri "Rusiye İçki işler nazirliginiñ içki ordularınıñ arbiy qısmınıñ komandanı" vazifesini aldı, 2017 senesi ise "Rosgvardiya Qırım idaresiniñ ştab yolbaşçısı — yolbaşçısınıñ muavini" vazifesine razı oldı. Diger eki adam RF silâlı birleşmelerine hızmet etip, Rusiye Milliy gvardiyası ordularınıñ işğalli Federal hızmetiniñ arbiy qısımlarında reberlik vazifelerini eda etti".
DTBnıñ Melitopol şeerindeki bölge idaresiniñ taqiqatçıları mahkemeden evelki taqiqatnı keçireler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
