"Sarı şerit" işğalge qarşılıq areketiniñ menbaları bildireler ki, işğal etilgen Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerine kiriş ve çıqışta quvetleştirilgen teşkerüvler başlandı. Hususan, olarnıñ malümatına köre, quvetçiler bagaj ve eşyalarnı tinteler.
Areket Telegramda bunı bildirdi.
"Yevpatoriyada çıqışlarda quvetleştirilgeb teşkerüvler qayd etile. "Sarı şerit" areketiniñ faalcileri bildireler ki, quvetçiler maşnalarnı ve aman-aman bütün avtobuslarnı toqtalar, bagaj ve eşyalarnı tinteler. Arbiy hızmetçilernen beraber blok noqtalarında işğalli memuriyetniñ hadimleri bulunalar. Diqqatlı oluñız! Tintüv quvetleştirilgeb rejimde keçirile", - dep haberde qayd etildi.
Qırımnıñ resmiy işğalli resurslarında ve Yevpatoriya (Kezlev) memuriyetinde, bu haber derc etilgende, quvetleştirilgen telükesizlik tedbirleri aqqında haber etilmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
