Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 3-nci mektebinde 38 beşinci sınıf talebesi "Qırım taqiqat eyyeti"niñ işğalli quvetçileri yanında "kadet antı"nı berdiler. İşğalcilerniñ maqsadı, balalar parad formasında "Rusiyege sadıq hızmet etecegi"ne söz bermeleri edi.
Bu tedbir aqqında malümat işğalli Simferopol (Aqmescit) memuriyetiniñ Telegram kanalında derc etildi.
"A.S. Makarenko adına 3-nci mektep-liseyi MBTMmunitsipal bücet tasil müessisesinde" 5-nci sınıf talebeleri Taqiqat eyyetiniñ kadet antını berdiler. Olar, forma kiyip, öz kelecek yollarını belgileycek sözlerni ğururnen ayta ediler. Bayramda ürmetli musafirler bar edi: Qırım Cumhuriyeti boyunca Rusiye Tahqiqat eyyetiniñ reisi Terentyev Vladimir, Tasil departamentiniñ yolbaşçısınıñ muavini Matühins Natalya, tahqiqat eyyetiniñ hadimleri," — dep bildirildi.
"Almenda" vatandaş maarif merkeziniñ yolbaşçısı Mariya Sulâlina, "işğal etilgen topraqlarda, hususan Qırımda, ukrayin balalarınıñ askeriyleştirilüvi — umumen Avropanıñ havfsızlıq meselesidir, çünki olar kelecekte Rusiyeniñ dünyanıñ çeşit köşelerinde qullanıla bilgen balalardır", dep tarif etti.
Onıñ aytqanına köre, böyle tedbirlerde balalar ruslaştırıla, olar özüni rus kibi is eteler.
"Bu yerde "Yunarmiya" ve "Krımpatriottsentr"niñ pek faal rolü aqqında aytamız. Biz Rusiye arbiy hızmetçileriniñ celp etilüvi aqqında aytamız. Bular SVO dep adlandırılğan cenkte, yani Rusiye Ukrayinağa qarşı alıp barğan cenkte iştirak ete bileler. Amma bular Rusiye Federatsiyasınıñ diger cenklerinde iştirak etken arbiy hızmetçiler de ola bile. Bu, öz misalinde cenkni romantikleştirmege tırışqan, balalar öz kelecegini Rusiye Silâlı quvetlerinde körsin dep, ameliy cenk tecribesi olğan insanlardır", — dep Mariya Sulâlina tarif etti.
Qırımtatar Resurs Merkeziniñ bildirgenine köre, tasil ve medeniy alanınıñ askeriyleştirilüvi Rusiyede 12 yıldan berli devam etken sistematik bir ameliyattır.
"Vaqtınca işğal etilgen Qırımda mektepni bitirgen, universitetlerge kirgen ve bütün ömürlerini Rusiye teşviqatı tesirinde keçirgen balalarnıñ episi östi. Bundan da ğayrı, işğalli akimiyet mektep ve kitaphanelerge yardım ete, "reformalar" ve "oquv şaraitiniñ eyileştirilmesi" aqqında ilân ete. Bu adımlar gumanitar degil de, teşviqat maqsadınen yapıldı — ukrayin kimligini yoq etmek, ukrayin tili ve medeniyetini yoq etmek ve balalarğa rus qıymetlerini aşılamaq", — dep teşkilât hulâsa çıqardı.
Oleksandra Ğalkina Suspilne Qırımğa bergen intervyusında yarımadada gençlerniñ nasıl arbiyleştirilgeni aqqında tarif etti. Qırımdan qadın, kimliginiñ zorbalıqnen deñiştirilmesini, ukrayin nazar noqtası içün taqip etilüvini ve eviniñ ğayıp oluvını öz tecribesinde is etti. Bir qaç yıldan berli çetelde yaşay, balalar içün ingliz tili ocası olıp çalışa. Ondan da ğayrı, Qırım aqqında video çıqara. Olardan biri, mektep aqqında: işğalden evel ve soñ müqayese, onı içtimaiy ağlarda aman-aman yarım million qullanıcı baqtı.
Telegram, WhatsApp, Facebook, TikTok ve YouTubede Suspilne Qırım habelerine abune oluñız
