"Qırım FSB"niñ malümatına köre, işğalciler tarafından "aşırıcılıq"ta qabaatlanğan Simferopollı (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adli) Nazar Trofimov tahqiqattan qaçtı, onıñ içün onı ğıyabiy şekilde "mahküm" ettiler. İşğalli uquq qorçalayıcılar deyler ki, o, işğal etilgen Qırım aliy oquv yurtunıñ kafedrasında çalışqan edi, ve Telegramda "ruslarnı öldürmege çağırğan" tefsirlerni yazğan edi.
FSBniñ Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki işğalli idaresi bunı bildirdi, dep TASS Rusiye devlet agentligi haber berdi.
"Sevastopol şeeriniñ 1989 senesi doğğan sakini, Telegram messenceriniñ ukrayin subetleriniñ faal iştirakçisi edi. Muzakereler vaqtında er adam anonim esabından ruslarnı öldürmege faal surette çağırğan edi ve qabaatını saqlamadı", — dep haberde qayd etildi.
Rusiye quvetçileriniñ malümatına köre, işğal altındaki aliy oquv yurtunıñ sabıq hadimi ğayıp oldı, o halqara qıdıruvğa ilân etildi. Adamnı Rusiye Ceza qanunnamesiniñ 280inci maddesiniñ 2nci qısmıİnternet vastasınen aşırıcı faaliyetke açıq çağıruvlarna istinaden 3,5 yıllıq apis cezasına mahküm ettiler.
Ukrayin nazar noqtası ya da Rusiye arbiy tecavuzını tenqit etkeni içün Qırım sakinleri "aşırıcılıq" maddesine istinaden daa sıq cinaiy mesüliyetke çekile, dep "Tribunal. Qırım epizodı" Telegramda yazıdı.
Teşkilâtnıñ talilcileri qayd eteler ki, soñki eki yıl devamında yarımadada yaşağan ruslardan ğayrı diger halqlarğa qarşı zorbalıqqa çağıruvlarnen bağlı cinaiy davalar qayd etilmedi.
"Resmiy teşviqat menbalarında malümat "ruslarğa qarşı zorbalıq çağıruvları" sebebinden tutulğanı aqqında bildirile. Tabiiy ki, deñiştirilecek bir şey yoq, bu sebepten bu qavimge qarşı nefret bar. Bu kibi laflar em qırımtatarlarğa, em de, misal içün, azerbaycanlılarğa nisbeten teşviqat yayınlarında çoq qullanıla. Böyle saylanğan "aşırıcılıqnen küreş" sadıq olmağan ealini taqip etüv ve ukrayin keyflerini bastırmaq şekillerinden biri kibi körüne", — dep uquq qorçalayıcılar qayd ettiler.
İşğal etilgen Qırımda "aşırıcılıq" sebebinden yapılğan taqipler insanlıqqa qarşı cinayet alâmetlerine saip, dep teşkilât qoştı.
Hatırlatamız ki, Bağçasaray rayonından 21 yaşındaki Adilâ Apkelemovanı işğalciler qanunsız şekilde müstemlekede 3 yılğa üküm ettiler. İşğalli tahqiqatnıñ versiyasına köre, o, "ruslarğa qarşı zorbalıq areketlerine çağıruvlarnen Telegramda mesajlar derc etti".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
