İlk qış ayınıñ 7-nde gece işğal etilgen Qırımda Yevpatoriya rayonında ve Kefede patlavlar oldı. Rusiye Mudafaa nazirligi yarımadada on uçucısız uçaq tüşürilgenini bildirdi.
Rusiye mudafaa nazirligi ilk qış ayınıñ 7-nde saba Telegram kanalında bu aqqında bildirdi.
Onıñ bildirgenine köre, umumen gecede 77 UUAni toqtatıp yoq ettiler, 42-si — Rusiyeniñ Saratov vilâyetinde.
Şaatlarnıñ aytqanına köre, gece saat 23:58 Yevpatoriya rayonında eki patlav, saat 02:54 ise Kefede bir patlav eşitildi.
Bundan da ğayrı, Sevastopolnıñ (AqyarnıñRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) işğalci gubernatorı Mıhaylo Razvojayev şeerde saat 00:59 ava telükesi ilân etti, o, 01:11 qadar devam etti.
Ukrayina mudafaa nazirliginiñ baş idaresi bildirdi ki, olarnıñ "Prımarı" mahsus bölügi soñki eki afta içinde işğal etilgen Qırımda Rusiye Federatsiyasınıñ arbiy infrastruktura obyektlerine sekiz kere ücüm etti.
Ukrayina istihbaratınıñ malümatına köre, bölükniñ dronları Su-24 bombardıman uçağını, teleradiofızalı qupeldeki antenanı, 39N6 "Kasta—2E2" radar stantsiyasını, "Orion" uçucısız uçaq aletini, eki 48YA6-K1 "Podlöt" radar stantsiyasını, yük trenini ve Rusiye askerleriniñ "Ural" maşnasını urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
