Roskomnadzor, Rusiye ve Ukrayinanıñ vaqtınca işğal etilgen topraqlarında, hususan Qırımda, Appleniñ FaceTime video bağı hızmetiniñ blok etilmesi aqqında ilân etti.
İlk qış ayınıñ 4-nde Rusiye hızmeti RİA “Novosti” teşviqat haber agentligine bergen izaatında bunı bildirdi.
Müessiseniñ beyanatında qayd etilgenine köre, platforma "terroristik areketlerniñ teşkil etilüvi ve keçirilüvi, askerlerniñ celp etilüvi, em de dolandırıcılıq ve diger cinayetler içün qullanıla". Bundan evel Roskomnadzor WhatsApp ve Telegramda video çalmalarını sıñırlamaq qararını böyle añlattı.
Daa evel hızmet, WhatsAppqa qarşı "sıralanğan sıñırlavlarnıñ kirsetilüvi" aqqında haber etti, messencerni Rusiye qanunlarını bozğanında qabaatladı. Hizmet tenbiyeledi ki, talaplarnı yerine ketirmese, bu funktsiya Rusiyede ve VİET bütünley blok etile bilir.
Hatırlatamız ki, Suspilne Qırım muarririyeti "Ruslar Qırımda Telegram ve WhatsApp işini sıñırlaylar: bağda nasıl qalmaq?" mümkün olğanını ve sıñıralvalarğa qarşılıq nasıl köstergenini añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
