İlk qış ayınıñ 3-nde Ukrayina Yuqarı Şurası, Bölge ya da azlıq tilleriniñ Avropa hartiyasına köre, destek ve mahsus qoruv rejimini alğan tiller cedvelini yañartqan qanunnı qabul etti. Bu cedvelge tamır halqlarınıñ tilleri, şu cümleden qırımtatar, qaray ve qırımçaq tilleri kirsetildi.
Ukrayina Yuqarı Şurasınıñ saytında bu aqqında aytıla.
Qanun Ukrayina normativ aktlarını 2024 senesi qara qış ayında TİN tarafından yapılğan Hartiya tercimesinen uyğunlaştıra, milliy azlıqlar ve kütleviy haber vastaları qanunlarını uyğunlaştıra.
Hartiyanıñ yañartılğan resmiy tercimesine köre, vesiqanıñ maddeleri bir sıra tilge, şu cümleden Ukrayina tamır halqlarınıñ tillerine — qırımtatar, qaray ve qırımçaq tillerine qullanılacaq. Qırımtatar Resurs Merkeziniñ bildirgenine köre, bütün üç til kritik telüke astında ve ğayıp olmaq telükesi altında buluna, şunıñ içün olarnıñ cedvelge kirsetilüvi medeniy ve til mirasınıñ saqlanması içün müimdir.
Bundan ğayrı, bu cedvelge belorus, bulğar, gagauz, yeudi, yidiş, alman, yunan, polon, rom, rumey, roman, slovak, ukrayin, urum ve çeh tilleri de kirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
