Sevastopolnıñ (Aqyarnıñ) Gagarin bölgesi mahkemesine yerli sakinge qarşı internette aşırıcı faaliyetke çağıruvCQniñ 280-nci maddesiniñ 2-nci qısmılar aqqında madde boyunca cinaiy davanı yolladılar.
Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) "prokurorlığı" İlk qış ayınıñ 2-nde Telegram kanalında bunı bildirdi.
"Taqiqatnıñ versiyasına köre, 2023 senesi saban ayında qadın Telegram kanalında milliy mensüpligine köre bir gruppa insanlarnı öldürmek çağıruvlarınen bağlı izaatlarnı yerleştirdi", — dep haberde qayd etildi.
Hatırlatamız ki, "Memorial PZK" uquq qorçalayıcı leyhasınıñ analitikleri bildirgenine köre, 2025 senesi işğal etilgen topraqlarda siyasiy sebeplerden yapılğan taqiplerniñ sayısı bayağı arttı. Qırımda bu kibi davalarnıñ sayısı Rusiyeniñ umumiy sayısından 3,5 qat ziyade.
Ukrayinanıñ diger işğal etilgen vilâyetlerinde bu köstergiç 7 qat ziyade yüksek. Eñ sıq rastkelgen qabaatlavlar "devlet hainligi", "casuslıq", "terrorizm" ve "aşırıcılıqnı maliye etüv"nen bağlı. "Memorial PZK" leyhasınıñ uquq qorçalayıcıları qayd eteler ki, 2025 senesiniñ üçünci kvartalında cinaiy taqiplerniñ miqyası bayağı arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
