İşğal etilgen Qırımda "Sarı şerit" qarşılıq areketiniñ faalcileriniñ malümatına köre, ruslar bu küzde yarımadada ukrayin timsalleriniñ tarqatıluvına yol bermemek içün arbiy ve kamera nezaretini arttırdılar. İşğalcilerniñ bu kibi tedbirlerine baqmadan, boş aynıñ 28-nde beş şeerde qarşılıq aktsiyaları keçirildi.
"Sarı şerit" areketi Telegramda bunı bildirdi.
Boş aynıñ 28-nde Qırımda "Sarı şerit" vekilleri, işğalli akimiyetniñ tedbirlerini quvetleştirgenine baqmadan, işğal etilgen Yevpatoriya (KelzevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yalta, Bağçasaray, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde mavı-sarı timsallerni tarqattılar.
"Yevpatoriya (Kezlev — terciman), Yalta, Bağçasaray, Sevastopol (Aqyar — terciman) ve Simferopol (Aqmescir — terciman) bugün kene mavı-sarı timsallernen yaraştırıldı. Bu, küzniñ başından berli yarımadada Rusiye patrulleriniñ sayısı eki qat arttı. Rusiye ne qadar kameralarnı yerleştirse ve isyancılarnı bastırmaq içün ne qadar çoq arbiy hızmetçini celp etse de, faydasız olur. Bizler kene de dünyağa Ukrayina mında olğanını köstermek içün imkân taparmız", — dep haberde qayd etildi.
Hatırlatamız ki, işğalli akimiyet Herson vilâyetindeki Geniçesk, Skadovsk, Tavriya ve Nova Kahovka şeerlerinde ukrayin timsallerini qıdırmaq içün reyd ete.
"Sarı şerit" areketiniñ faalcileriniñ bildirgenlerine köre, vaqtınca işğal etilgen sol yalıda işğalli "Rosgvardiya" ayrı patrulni teşkil etti. O, soqaqlarnı, turaqlarnı ve cemaat yerlerini nezaret eter. Olar bayraqlarnıñ resimlerini, yazılarnı, Ukrayina ve ukrayin aqqında er angi añlatmalarnı qıdırırlar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
