İstanbul hastahanelerinden birinde sabıq Qırım siyasiy mabüsi Edem Bekirov vefat etti. 64 yaşında edi.
Qırımtatar Milliy Meclisi ölüm aqqında haber etti.
"Edem Bekirov 2019 senesi Ukrayina ve Rusiye arasında ilk büyük mabüsler deñiştirüvi vaqtında azat etilgenlerden biri edi. Vatanına qaytqan soñ, qanunsız apis müddeti devamında ağır hastalıqlarınen küreşmege devam etti", — dep haberde qayd etildi.
2022 senesi çiçek ayında Edem Bekirovnı Türkiyege tedaviylev içün alıp kettiler.
Edem Bekirov aqqında ne bilemiz
Edem Bekirov 2018 senesi ilk qış ayınıñ 12-nde "Canköy" kiriş noqtasında tutuldı.
İlk qış ayınıñ 13-nde Simferopolnıñ (AqmesciRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adtniñ) Kıyiv rayon mahkemesi Bekirovnı eki ayğa apiske alıp, 222-nci maddeniñ 2-nci qısmına ("ilâve añlaşma esasında şahıslar gruppası tarafından yapılğan silâ ve patlayıcı maddelerniñ qanunsız satın aluvı, saqlavı ve taşuvı — altı yılğa qadar apis cezası") ve RF Ceza qanunnamesiniñ 222.1 maddesiniñ 2-nci qısmına ("ilâve añlaşma esasında şahıslar gruppası tarafından yapılğan patlayıcı maddelerniñ qanunsız işlep çıqarılması, em de patlayıcı cihazlarnıñ qanunsız işlep çıqarılması, işlenmesi ya da tamir etilmesi — 8 yılğa qadar apis cezası") istinaden qabaatladı.
2019 senesi ilk yaz ayında Simferopolnıñ (Aqmescitniñ) işğalli Merkeziy rayon mahkemesi Bekirovnı umumiy rejimli müstemlekede yedi yılğa mahküm etti ve 150 biñ ruble para cezasını berdi.
Bekirov 2019 senesi ilk küz ayınıñ 7-nde Rusiye ve Ukrayina arasında deñiştirüv çerçivesinde azat etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
