Boş aynıñ 22-ne keçer gecesi işğal etilgen Qırımda bir sıra patlavlar ve AMS işi aqqında haber etildi. Rusiye Mudafaa nazirligi, yarımadada 13 UUA tüşürilgenini bildirdi.
Müessise öz Telegramda bu aqqında bildirdi.
Yerli "Qırım veter" Telegram kanalınıñ malümatına köre, gece ücümler neticesinde yarımadanıñ eñ müim energetik stantsiyalarından biri zarar kördi — "Krasnoperekopsk" 220 kV stantsiyası, "Soda" olaraq da belli. Telegram-kanalınıñ malümatına köre, bu Qırımnıñ energetik sistemasınıñ esas noqtasıdır, o, Qırım soda zavodı yanında yerleşe.
Yerli Telegram kanalları, nezaret kanallarına esaslanıp, Ğvardiyske ve Simferopolda (AqmescitteRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) UUA içün telüke aqqında tenbiyelediler.
Hatırlatamız, Rusiye Mudafaa nazirligi işğal etilgen Qırımda boş aynıñ 21-ne keçer gecesi dört uçaqnıñ toqtatılğanı ve yoq etilgenini bildirdi. Aynı vaqıtta Yevpatoriya rayonında ve "Saq" ava limanı yanında yerli sakinler patlavlarnı eşitkenler.
Daa evel Ukrayina mahsus operatsiyaları quvetleri işğal etilgen Qırımda işğalcilerniñ neft bazalarına endirilgen drone darbeleriniñ videosını derc etken edi. Boş aynıñ 6-nda gece Simferopol (Aqmescit) rayonında "Ğvardiya" neft bazası, yaqıt trenleri ve PMM anbarlarına ücüm etildi. Klipte büyük patlavlar ve yanğınlar körüne.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
