"Sarı şerit" cemaat areketiniñ faalleri vaqtınca işğal etilgen Herson, Zaporizhzhâ ve Donetsk vilâyetleri ve Qırımdan bütün ukrayinlerni boş aynıñ 21-nde Ukrayinada qayd etilgen Azatlıq ve Menlik Künü ile hayırladılar.
Areket Telegramda bu aqqında haber etildi.
Hususan, Simferopol (Aqmescit), Sevastopol (Aqyar), Bağçasaray, Donetsk, Melitopol ve Geniçeskten hayırlavlar keldiler.
Areket iştirakçileri Ukrayina tarafdarları olğan levhalarnı ve sarı şeritlerni dağıttı, bu ise "Biz — Ukrayinamız" hatırlavı ve bozulmazlıq timsali ediler.
"İşğalniñ kölgelerinde bile öz-özüni qorçalamaq cesareti olğan yerde menlik ve serbestlik yaşay. Onıñ içün bugün bu aktsiyanıñ tarqatıluvında siziñ destegiñizni isteymiz, ve onıñnen beraber — esas mesajımıznı da: Ukrayinanıñ şarqiy sıñırı — Luğansk vilâyetinde, cenübiy sıñırı ise — Qırımda, ve bu deñişmeycek", — dep "Sarı şerit" koordinatorları qayd ettiler.
Bundan evel işğal etilgen Qırım, Donetsk ve Berdânsk sakinleri ekim ayınıñ 27-nde Milliy birlik Radiodiktantına qoşuldılar. Qırımdaki yazılğan metinlerniñ fotoresimlerini "Sarı şerit" cemaat areketiniñ temsilcileri derc etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
