Rusiye Mudafaa nazirligi boş aynıñ 21-ne keçer gecesi işğal etilgen Qırımda dört uçucısız uçaq aletini toqtatqanını bildirdi. Aynı vaqıtta Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında ve "Saq" ava limanı yanında yerli sakinler patlavlarnı eşitkenler.
Rusiye Mudafaa nazirligi Telegram kanalında bunı bildirdi.
Aynı zamanda Qara deñizde beş dronnı urğanlarını iddia eteler. Umumen, nazirlikniñ bildirgenine köre, gece Rusiye toprağında 33 uçucısız uçaq aleti tüşürildi.
Aynı vaqıtta yerli sakinler gece "Qırım yerli" Telegram kanalına Feododsiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) ve Yevpatoriya (Kezlev) rayonında patlavlar eşitilgenini bildirdiler.
Aynı zamanda Novofedorivkadaki "Saq" ava limanı civarında saat 01:40-qa yaqın küçlü bir patlav oldı. Patlavlar ve ateşler anda daa 10 daqqa devam etti.
Daa evel Ukrayina Mahsus operatsiyalar quvetleri işğal etilgen Qırımda işğalcilerniñ neft bazalarına etken dron ücümleriniñ videosını derc etti. Boş aynıñ 6-nda gece Simfeorpol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında "Gvardiya" neft bazasına, yaqarlıqnen trenlerge ve YYMnen anbarlarğa ücüm etildi. Videoda patlavlar ve yanğınlar kösterile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
