Qırımnıñ unikal manzarasını yoq ete bile. İşğal etilgen yarımadada çoq qatlı binalar nezaret etilmey.
RİA "Novosti Qırım" Vernadskiy adına Qırım federal universitetiniñ dotsenti Serğiy Kiselöv haber ete.
"Qırımda tabiat müiti pek qıymetli, oña böyle cinaiy munasebet kösterilmey. Menimce, Qırımda tabiat ve medeniy landşaftnıñ saqlanuvı aqqında qanun ve qurucılar içün yekâne mimarcılıq siyaseti aqqında qanun olmalı", — Kiselov dedi.
Hatırlatamız, Suspilne Qırım muarririyeti öz menbalarından 2043 senesine qadar "Qırımnıñ qurucılıq planı"ndan harita aldı.
İşğalcilerniñ, hususan, qoruq zonalarda qurmağa planlaştırğanları aqqında "Rusiye Qırımnıñ qoruq zonalarını qurmağa planlaştıra: işğalci elit villalar, musafirhaneler, demiryol ve Disneylendni qurmağa niyetlene" maqalesinde aytıla.
Haritada qayd etilgenine köre, işğalciler "Qırım tabiat qoruğınıñ" üçte birinden çoq qısmını qurucılıqqa berdi.
Yalta rayonındaki Semeyde ise rusiyeliler Qara deñiz yalısında çoq qatlı kvartira kompleksini qurmağa planlaştıralar.
"Krıminvestservis" qurucılıq leyhası 2025 senesi avgustnıñ soñunda derc etildi. Derc etilgen malümatqa köre, yañı qurucılıq 2029 senesiniñ soñunda bitirilecek.
İşğal etilgen Yevpatoriya yanında daa bir büyük qurucılıqqa azırlanalar — "Rusiyeniñ altın qumları". İşğalcilerniñ planlarına köre, 17 musafirhane, aman-aman 5 biñ oda. İşğal etilgen Ufa şeerinde keçirilgen Yalta iqtisadiy forumından soñ Rusiye akimiyeti qurucılıqqa yatırım yapqan Rusiye iş adamlarınen milliardlar rublelik añlaşmalar tizdiler, dep bildirdi Ukraina prezidentiniñ QMC temsilciligi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
