İşğalci "Qırım Yuqarı mahkemesi" 22 yaşındaki Keriç sakini Ukrayina mahsus hızmetlerine Rusiye arbiyleriniñ koordinatlarını bergeninde qabaatlap, 14 yıl sert rejimli koloniyada qalmasına üküm etti — oña "devlet hainligi" maddesini qoştılar.
Telegramda Qırımnıñ işğalci "prokuraturası" bu aqqında bildire.
İşğalci uquq qoruyıcılar aqaynıñ adını ve soyadını aydınlatmay. Onıñ qanunsız tutulğanı aqqında ilk yaz ayınıñ 17-nde haber etilgen edi.
"Mahkeme, 2024 senesi yanvar ayında "MAAMahsus arbiy ameliyat - Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan propaganda efemizmidir" keçirilmesine qarşı çıqqan ve para mukâfatını almaq istegen adam Keriç şeerinde bulunıp, Rusiye Mudafaa nazirliginiñ bölükleri yerleşken yerler aqqında malümat toplağanını belgiledi. "Qabaatlanğan şahıs, ekrannıñ resmiy koordinatları ile UHH ve Ukrayina Mudafaa nazirliginiñ Bİİ qullanğan chat-ortasına yolladı", — dep işğalci prokuraturada aytıla.
RİA "Novosti Qırım" Rusiye haber agentliginiñ Telegramda derc etken videosında aqaynıñ yüzü "körünmey".
Ukrayina tarafı bu "iş"ni izaatlamadı.
İşğalci "mahkemesi" 14 yıl ve 1 ay apis cezasını sert rejimli koloniyada cezasını çekip, 1 yıl ve 6 ay apis cezasını ve 100 biñ rublelik (tahminen 33 biñ ğrıvna — muar.) para cezasını berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
