İşğalciler Qırımdaki gençlerni arbiy teşviqat tedbirlerine celp etmege devam eteler. Hususan, balalar "Qırım furtunası" leyhasında iştirak etip, mina-müendis temellerini ögrendiler.
Arbiy hızmetke azırlıq ve arbiy-vatanperverlik terbiyesi bölge merkezi bunı bildirdi.
İşğalciler İslâm Telek köyünde "Biz vatanpervermiz" adlı "arbiy-vatanperver oyunı"nıñ keçirilüvi aqqında haber ettiler. Mektep talebelerine silâ qullanmasını ögretken ediler.
Hatırlatamız ki, işğal etilgen Qırımnıñ 181 biñden ziyade balası yazda raatlıq yerine Rusiye arbiy hızmetçileriniñ idare etkenleri lagerlerde "arbiy azırlıq" keçti, sözde "SVO qaramanları"nen beraber cenkleştirilgen oyunlarda iştirak etti.
"Almenda" vatandaş maarifi merkeziniñ talil esabatında bu aqqında aytıla — tedqiqat 2025 senesi oraq ayınıñ 1-den ilk küz ayınıñ 30-a qadar devam etti ve vaqtınca işğal etilgen topraqları olğan Zaporijjâ, Herson vilâyetleri, Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde olıp keçken vaqialarnı qaplap aldı. Maruzanıñ müellifleri balalarnıñ arbiyleştirilüvi, terbiyelev ve ukrayin kimliginiñ yoq etilüvi faktlarını tedqiq ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
