İstanbul boğazından gemilerniñ areketini taqip etken Bosphorus Observer resursı Novaya Zemlya balkeri keçkenini qayd etti. Gemi işğal etilgen Sevastopoldan (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan), hırsızlanğan ukrayin ububatınen yüklengen Tartus Suriye limanına yol aldı.
Bosphorus Observer X ağında bu aqqında haber etti.
Murmansk deñiz paromcılığına ait olğan balker Rusiye bayrağı altında yüre, 15,8 biñ tonna yük taşıy bile ve Rusiye deñiz gemiler cedveline tabi ola.
Qırımnıñ Reintegratsiya Assotsiatsiyasınıñ bildirgenine köre, gemide Ukrayina ububatını Suriyege alıp ketmek içün sahte manifestler ve deñizde yapılğan areketler qullanıldı.
Hatırlatamız ki, "PRO Qırım" leyhasınıñ yañı yayında Svitlana Stetsenko işğalli akimiyet Qırım limanlarını sanktsiyalarnı aşmaq içün nasıl qullanğanını, bu taşımalarnıñ artında kim turğanını ve Ukrayina quvetçileri böyle gemilerni nasıl tapqanlarını ve toqtatqanını tarif ete.
İşğal etilgen Qırımdan ruslar bayraqlarını, marşrutlarını ve saiplerini deñiştirerek, hırsızlanğan ukrayin ububatı, madeni ve neftinen gemilerni yollaylar. Bu "Gölge flotı" tek kontrabanda aqqında degil. Bu, Rusiyege milliardlarnen para bergen cenkniñ maliyeviy aletidir, dep qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
