Bu yaz işğal etilgen Qırımdan 181 biñ bala raatlanmaq yerine rusiye arbiy hızmetçileriniñ idare etkenleri lagerlerde "arbiy azırlıq" aldı, sözde "SVORusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqiy efemizm qaramanları"nen cenkleştirilgen oyunlarda iştirak etti.
"Almenda" Vatandaş maarifi merkeziniñ analitik esabatında bu aqqında aytıla — 2025 senesi oraq ayınıñ 1-nden ilk küz ayınıñ 30-ına qadar vaqtınca işğal etilgen Zaporijjâ, Herson vilâyetleri, Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde araştırma yapıldı. Esabatnıñ müellifleri balalarnıñ arbiyleştirilüvi, indoktrinatsiyamuayyen bir doktrin, fikir ya da inançnı tenqit etmeden qabul ettirüv esnasısı ve ukrayin özdeşliginiñ yoq etilmesini araştırdılar.
"Vatanperver terbiyesi", "sağlığını tüzetüv" ve "maarif seyaatları" yerine ukrayin balalarını RFa ve işğal etilgen Qırımğa alıp, ideologiyalarını deñiştireler, olarğa rusiye ideologiyasını qabul ettireler, rusiye arbiy hızmetçilerini qaramanlar olaraq ve Ukrayinanı duşman devleti olaraq köstereler", — dep esabatnıñ müellifleri bildirdiler.
İşğalli akimiyetniñ malümatına köre, Qırımda 181 biñ bala sözde "sağlıq kampaniyası"na oğradı, Herson ve Zaporijjâ vilâyetlerinden — 4 biñer bala.
2025 senesi oraq ayında "Yunarmiya" azaları olğan ve "Sivaş" Rusiye arbiy-vatanperver merkezini ziyaret etken Keriç balaları işğal etilgen Mariupoldaki "İskrennost" lagerine alıp ketirildi. Balalar "Yedinaya Rossiya" genç gvardiyasınıñ teşkil etken "Patriot" arbiy-tarla toplaşuvlarınıñ dörtünci nevbetinde iştirak ettiler.
2025 senesi oraq ayınıñ soñunda işğal etilgen Bağçasarayda gençlerniñ "vatanperver" terbiyesi içün mesüliyetli "Qırım vatanperverlik merkezi" çağıruv yaşından küçük gençler içün beş künlik toplaşuvlarnı teşkil etti.
"İşğalli akimiyet tarafından teşkil etilgen bayram, gençler içün "arbiy hızmetke azırlanmaq, beden sıfatını eyileştirmek ve irade küçüni arttırmaq içün bir imkân" olaraq kösterile. Berilgen malümatqa köre, programmağa arbiy işniñ esasları boyunca ameliy dersler, "arbiy-vatanperverlik terbiyesi" ve cenklerniñ tarihı boyunca lektsiyalar, em de veteranlar ve "SVO iştirakçileri"nen körüşüvler kirdi.
Aynı zamanda balalar "Rusiye Silâlı quvetleri"niñ şevronlarınen arbiy urbasını kiydirdiler.
2025 senesi oraq ayında Sevastopol (Aqyar) civarındaki "Gornıy" sağlıq bala lagerinde işğalli akimiyet yaş zagonlarnıñ balaları içün cenkleştirilgen estafetanı keçirdi.
"İştirakçiler arbiy urbanı tez kiymege, manialarnı yeñmege, silânıñ yedegini toldurmağa, pnevmatik silâdan atmağa, maqsatqa pıçaqlarnı atmağa, tanklarğa qarşı ve el granatlarnı atmağa yarışaldılar" , — dep esabatnıñ müellifleri yazdılar.
Bu lagerde 435 balanıñ keçkeni "Genç asker" adlı ayrı tasil programması yerine ketirile: UUAlerini idare etmege ögreteler, taktik arbiy-sport oyunlarında, şu cümleden "SVO iştirakçileri"niñ yardımınen "Qalqan ve qılıç" oyunında, oynaylar.
2025 senesi oraq ayında Herson vilâyetinden 25 genç "Herson vilâyetiniñ gençlik siyaseti nazirligi"niñ yardımınen "Patriot" gençlik merkezi ve "Vitâz" kazak merkezi tarafından teşkil etilgen arbiy-sport toplaşuvlarında iştirak etmek içün Qırımğa alıp ketirildi.
"Balalar askerlikke azırlanuv derslerine qoşulıp, kazak arbiy ananeleri ve taktik talimlerni ögrendiler: oq ateşini, mızrak ve pıçaq atmağa, qılıç ve nağaykanen küreşmege, gaz mastasını qullanmağa ve ilk tibbiy yardım köstermege ögrendiler", — dep haberde qayd etildi.
İşğal etilgen Yaltada "Qırım DOSAAF" "Yunarmiya yazı — 2025"ni teşkil etti. Yaznıñ üç ayı devamında balalarnı beden ve arbiy-ameliy azırlay ediler, olar "Asker yolu" arbiy-sport yarışlarında, "Bizden kimse" oquv-çöl toplaşuvları ve balalarnıñ arbiy azırlanuvına yönelgen başqa tedbirlerde iştirak ettiler.
"Rusiye Federatsiyası ve işğalli akimiyetniñ vekilleri balalarnı Bütünrusiye arbiy-vatanperver oyunlarına, hususan "Zarnitsa 2.0"ge celp ete. VİETnıñ gençleri saylav, belediye, regional ve bölge basamağından keçip, soñ Volgogradda Bütünrusiye finalına çıqtı", — dep esabatnıñ müellifleri añlattılar.
Olarnıñ malümatına köre, final yarışlarında balalar ateş, taktik ve müendislik, garnizon hızmeti, sabır işi ve birleşken yürüş sınavlarından keçtiler. "Armiyalar"nıñ komandanları Ukrayinağa qarşı cenk iştirakçileri edi.
"Vatanperver terbiyesi" adı altında böyle arbiyleştirüv VİETdan balalarda istilâcı memleketniñ silâlı quvetlerinde hızmet etmege azırlıqnı şekillendire, cenk ve zorbalıqnı normalleştirir, arbiy oyunlarda rus yaşıtlarınen beraber iştirak etüv neticesinde olarnıñ assimilâtsiyası içün şarait yarata", — dep "Almenda"nıñ esabatında aytıla.
"Almenda" ayttı ki, vaqtınca işğal etilgen topraqlarda balalar ve gençlerniñ eglencesi de arbiy teşviqatnen tolu.
"Geniçeskte (Herson vilâyetiniñ VİET) "Patriot" gençlik merkezinde 2025 senesi oraq ayında er aftalıq teşebbüs — gençler içün masa oyunları aqşamları çalışıp başladı. Böyle oyunlardan biri "Ukrayina mahsus operatsiyası" oldı. Anda iştirakçiler "batalyonlarnı yollay ve Kıyiv, Odesa, Harkiv, Luğansk, Sumı ve diger şeerlerni "nazist akimiyeti"nden "qurtaralar", — dep qayd etildi.
Aynı zamanda oyun banknotları Putin, Lavrov, Surovikin resimlerinen yaraştırılğan, oyun elementlerinde ise "Z ve V" timsalleri — Rusiye tecavuzınıñ işaretleri yerleştirilgen. Oyun çıqarıcılarınıñ aytqanına köre, oyun satışından elde etilgen kârnıñ bir qısmı Rusiye arbiy hızmetçileriniñ destegine sarf etile.
"Böyle tedbirlerde balalarnıñ iştirak etmesi olarda cenkni "oynamaq" kibi yañlış tasavurını şekillendire, zorbalıqnı normalleştire, em de Ukrayinanı "duşman" olaraq körmege yardım ete. İşğalli akimiyet "Ukrayinanıñ azat etilüvi" ve "nazizmnen küreş" aqqında teşviqat ikâyelerini eglence formatları vastasınen kirsete. Nezaret, Rusiye Federatsiyası ukrayin balalarını vatanperver terbiyesi altında askeriyleştirmek içün muntazam sürette VİETda yaz programmalarını qullanğanını köstere", — dep nezaretniñ müellifleri yekünleyler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
