Qırım işğal etilgen soñ o, halqara seviyede öz sport statusını coydı. 2014 senesinden evel yarımadada dünya ve Avropa çempionatları, sport taqımlarınıñ idman toplaşuvları keçirilgen edi.
2014 senesinden soñ Qırımda halqara yarışlar keçirilmedi. 2013 senesi Yaltada Avropa ralli Kubokı ve 13 memleketten iştirakçiler kelgen qaya alpinistikası boyunca Dünya çempionatı keçirildi.
"Qırım işğal etilmeden evel anda halqara yarışlar keçirile edi, yarımadada çoq sayılı taqımlar bar edi, oquv-trenir toplaşuvları keçirile edi, çünki anda antrenir bazaları içün güzel müit ve iklim bar", — dep Maksım Çeberâka, Ukrayina MOEniñ matbuat kâtibi tarif etti.
Qırım 11 yıllıq işğal vaqtında sport statusını ğayıp etti, dep QMC Sport küreşi federatsiyasınıñ vitse-prezidenti İmran Üseinov tüşüne.
"Qırıml skinleri halqara sanada Ukrayinanı temsil ete edi, olarnıñ çoqusı Ukrayina terkibine kirgen edi, sport astyapısı — Aluştadaki olimpiya bazası. Qırım pek sportlı edi, bölge cedvelinde er vaqıt birinci üçte edi, bu "küreş" bölgesi edi, bizim idman içün çoq zalımız bar edi", — dep İmran Üseinov hatırladı.
Yarımada işğal etilmeden evel halqara sport toplaşuvları keçirilgen Aluştadaki olimpiya bazası şimdi halqara yarışlarğa öz azırlıq platforması statusını coydı. Rekonstruktsiya çerçivesinde işğalciler Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) "Dinamo" sport kompleksini yoq ettiler. 2023 senesi Bağçasaray civarındaki "SKİF" sport bazası satıldı.
İşğalciler "Tavriya" futbol klubunıñ idman bazalarını da baqmayıp, suvğa batırdılar.
"Qırımda şimdilik futbol yoq. Satın alğanımız "Tavriya" bazasını hırsızladılar. Ekinci baza — suv astında. Stadionğa kimse barmay, çünki anda Qırım çempionatı keçirile", — dep 2015 senesi klubnıñ fahriy prezidenti Serğiy Kunitsın bildirdi.
Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) işğalciler paralimpik bazasını da zapt ettiler.
"Feodosiyada (Kefede — terciman), umumen, Avropada, belki de, dünyada eñ yahşı paralimpiya bazalarından biri bar edi. Onı o vaqıt, Qırım işğal etilmeden evel, Paralimpik eyyet qurğan edi, ve, yazıq ki, bu baza endi ruslar tarafından qullanıla", — dep Ukrayina MOEniñ matbuat hızmetisi ayttı.
Şimdi Qırım sportçuları Krasnodar, Armavir ya da Volgograd şeerlerinde çıqışta bulunalar. 2022 senesinden itibaren Rusiye bayrağı altında halqara yarışlarğa kiriş imkânları yoq. Yarımada işğal etilgen soñ tek eki Qırım sakini Rusiye bayrağı altında 2016 Rio de Janeyro ve 2021 Tokioda keçirilgen Olimpiya oyunlarında iştirak ete bildi.
"Misal olaraq, keçken sene Parijde keçirilgen Olimpiya oyunlarında ruslar bitaraf bayraq altında iştirak etken ediler, amma cenkte iştirak etkenleri pek teşkerilgen edi. Şimdi Qırımdan ihtisasiy seviyege çıqqan ve halqara arenada yüksek neticeler köstergen sportçular az. Amma, kene de, şimdi qıymet kesmege qıyın, çünki Rusiye, ruslar çetke çekilgen soñ, büyük cenkten soñ, dünya sportunda izolâtsiyada buluna. Bir yıl uzaqlaştıruvnen tolu edi", — dep MOEniñ temsilcisi cenkniñ Qırım sakinleriniñ sport karyerasına tesiri aqqında añlattı.
Onıñ aytqanına köre, halqara izolâtsiya sebebinden Qırım sportçuları perspektivalarını coyalar.
"Şunı añlamaq kerek ki, faal sportçular içün Olimpiya oyunlarında iştirak etmek imkânından marum qalmaq — bu pek büyük bir şey. Olimpiya oyunları dört yılda bir kere keçirile, ve sportçunıñ yaşı, yani o, eñ yahşı alda olğanda, pek qısqa. Bu, onıñ karyerasında ilk ve soñki Olimpiya oyunları ola bile, ve bundan soñ er angi izolâtsiya felâketli aqibetlerge ketire bile", — dep Ukrayina MOEniñ matbuat hızmetçisi bildirdi.
Qırım Futbol Assotsiatsiyasınıñ vitse-prezidenti Oleğ Komunârnıñ aytqanına köre, Rusiye sportqa para qoya: yañı sport kompleksleri açıla, balalar ve gençler celp etile. Amma, sport muvafaqiyetleri içün degil. Onıñ aytqanına köre, bu teşivqat.
"Eger birisiniñ üstüni tikmek kerek olsa, bunı balalıqtan yapmaq kerek. Ve Rusiye bayrağı altında şapka, Putinnen mektüp olğan medaller berilse, bu balalarda "Rusiye ne derecede yahşı" kibi bir fikir peyda ola. O anda turnirler keçire, bahşışlar bere, ana-babalarğa "Yedinaya Rossiya"nen paketler bere ya da "goblin" Aksönovnıñ desteginen ve ilâhre", — dep işğalcilerniñ mantığını Oleğ Komunâr añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
