"Ateş" arbiy-partizan areketiniñ agentleri işğal etilgen Qırımnı Herson vilâyeti ile Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında bağlağan demiryol qısmında diversiya keçirdiler.
Areket Telegramda bu aqqında bildirdi.
"Agentlerimiz Simferopol (Aqmescit) rayonındaki demiryollarında muvafaqiyetli diversiya keçirip, Herson ve Zaporizhzhâ yönelişlerinde Rusiye işğalci ordularınıñ esas logistika arteriyasına darbe endirdiler", — dep "Ateş" qayd etti.
İşbu tedbir neticesinde, areketniñ malümatına köre, trenlerniñ areketi toqtatıldı, bu ise Rusiye orduları içün silâ, yaqıt ve tehnika teminleviniñ toqtatılmasına sebep oldı.
Ukrayina Mudafaa nazirligi ya da Rusiye menbaları tarafından bu malümatnıñ resmiy tasdıqlanması şimdilik yoq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
