"Lenin rayon mahkemesiniñ" işğalci yolbaşçısı ve Qırım "Arbitraj mahkemesiniñ" mahkemecisi Ukrayinada kolaboratsıonizmnenч. 7 ст.111-1 Кримінального кодексу України oğraşqanı içün mahkeme etilecek. Bu vazifelerni olar 2022-2024 seneleri qanunsız alda tuttılar. Ekisi de 15 yılğa qadar azatlıqtan marum qala bile.
Boş aynıñ 7-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokuraturası bu aqqında bildirdi.
"Agressor devletiniñ adından ve menfaatlarında qararlarnı qabul etip, qabaatlanğanlar Qırım yarımadasında işğalci mahkeme sistemasınıñ çalışmasını temin ete", — dep müessisede qayd ettiler.
Suspilne Qırımnıñ haber etken menbaları aytqanı kibi, söz İvan Udut ve Darya Borısenko aqqında kete.
Aynı zamanda, Ukrayina telükesizlik hızmetiniñ Baş idaresiniñ malümatına köre, Qırımnıñ "Lenin rayon mahkemesiniñ" yolbaşçısı, "FSB tarafından uydurılğan" dava sebebinden qırımlı faal Fevzi Sagandjanı 10 yılğa apiske aldı. Mında, qabaatlanğan, yarımada işğal etilgen soñ Rusiye tarafına keçti, dep aytıla.
Ekinci mabüs aqqında ise, UHH qayd etkenine köre, o, Rusiye menfaatları içün eñ azdan 5 biñ dava baqqan edi.
Hatırlatamız, Devlet taqiqat bürosı yarımada işğalinden soñ ant etken eki Qırım askerini taptı. Ekisine de devlet hainligi ve qaçaqlıqtan şübheli sayılğanı aqqında haber etildi. Olar 15 yılğa qadar apis cezasını ala bileler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
