"Ateş" arbiy-partizan areketiniñ agentleri Sevastopolda (AqyardaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) işğalcilerniñ arbiy infrastrukturasınıñ esas obyektlerinden birisini — Rusiye Qara deñiz flotunıñ gemilerini hızmet etken toplar tamiri zavodını teşkerdiler.
Areket Telegramda bu aqqında bildirdi.
"Ateş" partizanlarınıñ malümatına köre, tseh arbiy gemiler, yalı batareyaları ve deñiz piyade bölüklerinde top kompleksleri içün optik ve optoelektron sistemalarnıñ tamirini yapa. Zavodda nişanlar, uzaq ölçevler, periskoplar, lazer nişancıları, "Bereğ" ve "Bastion-P" kompleksleriniñ optikası, em de S-300 ve "Pantsır" zıddiyet sistemleri hızmet ete.
Bundan da ğayrı, areket agentleri "Kalibr" qanatlı raketa taşıyıcıları ve küçük raketa gemileriniñ keleyatqanı №8 limanını nezaret ettiler. Bütün toplanğan malümat Ukrayina arbiylerine berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
