Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini Anatoliy Kobzar bir yıldan ziyade ğayıp olğan sayılğan edi, soñ onı Sinferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) 8-nci tahqiqat izolâtorında (SİZOda) taptılar. 20 ay izolâtorda keçirip, adam 40 kiloğa azlaşqan.
Boş aynıñ 6-nda Qırımtatar resurs merkeziniñ reisi Eskender Bariiev Facebookta bunı bildirdi.
"Bugünki künde 1,93 [metr] uzunlığında adamnıñ ağırlığı 62 kilogramm, FSB tarafından tutumadan evel onıñ ağırlığı 100 kilogrammğa yaqın edi", — dep qayd etti o.
Orta küz ayınıñ 31-nde FSB hadimleri Kоbzarğa tuvğanlarınen ilk körüşüvni keçirdiler. Bariievniñ aytqanına köre, körüşüv vaqtında adam "daimiy sürette ağlay edi". Em de 45 yaşında olğanda, saçları külrengi edi.
"Bu körüşüv tek tuvğanlarnı Anatoliyge qarşı işğalciler tarafından açılğan qanunsız cinaiy dava boyunca kelecek mahkemelerde şaatlıq etmege mecbur etmek içün yapıldı, çünki tuvğanlar arasında olğan bazı qıyınlıqlar bar edi", — dep QRMniñ reisi qayd etti.
Aynı zamanda qoranta azaları Kobzar ne içün o qadar zayıf olğanını sorasalar, FSB bildirdi ki, o "bir qaç kilogrammğa arttı" ve "canlı körüne".
Hatırlatamız ki, 2024 senesi saban ayınıñ 5-nde adam Bağçasarayğa işke ketti, amma evge qaytmadı. Ertesi künü adam qorantasınen yaşağan evini FSB hadimleri tinttiler.
2025 senesi orta küz ayınıñ 12-nde Qırımtatar resurs merkeziniñ malümatına köre, Kobzar bütün bu vaqıt devamında Simferopolnıñ (Aqmescitniñ) 8-nci SİZOsında bulunğan edi.
Bundan evel Suspilne Qırım Kоbzarnıñ qardaşı Natalâ Fluristen ve QRMniñ reisi Eskender Bariievden ukrayinliniñ zorbalıqnen ğayıp oluvınıñ tafsilâtlarını ögrendi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
