Ukrayina uquq qoruyıcıları ve uquqçılar Halqara Cinaiy Mahkemege (HCM) Kommunikatsiyanı taqdim etti. O, Ukrayinağa qarşı cenk kontekstinde yapılğan halqara cinayetlerde rusiyeli propagandistlerniñ iştiragi aqqında deliller bar.
Boş aynıñ 5-nde Kıyivde "Media Center Ukraine"de "Rusiye propagandistleriniñ arbiy cinayetlerde iştirakini nasıl isbatlamaq mümkün: HCMge muracaat" brifinğde bu aqqında söyledi. Suspilne Qırım mühbiri bu aqqında bildire.
"Bizim Kommunikatsiyamız, arbiy cinayetlerge aittir, bu ise, arbiy areketler neticesinde arbiy obyektlerge ücüm etmek ve arbiy obyektlerge zarar ketirmek. Bundan da ğayrı, Kommunikatsiya Ukrayinadaki vaziyet çerçivesinde yapılğan diger insaniyetsizlik areketleri şeklinde insanlıqqa qarşı cinayetlerniñ ögüni almağa doğrultılğan", — dep taqiqatçı—jurnalist, Qırım uquq qorçalayıcı gruppasınıñ tetqiqatçısı İrına Sedova bildirdi.
Onıñ aytqanına köre, Kommunikatsiyada üç Rusiye matbuat erbabı qayd etile: general Andriy Ğurulöv, televizor alıp barıcıları Serğiy Mihayev ve Volodımır Solovyov. Olar muntazam sürette Ukrayina vatandaş infrastrukturasınıñ obyektlerine ücüm etmege çağıra ediler.
Sedovanıñ qayd etkenine köre, olarnıñ aytqanları tek cinayetlerni teşviq etmekten ğayrı, Rusiye devlet kanalları tarafından aqlanğan ediler.
O şunı da bildirdi ki, şimdilik malümat bazasında 600 qayd etilgen çağıruv ve 173 şübheli bar, amma "bu tek başlanğıç".
"Bizler cenkte yaşaymız, bizler ceryan içinde yaşaymız, ve bizim vazifemiz — qayd etmek... Bütün bu deliller, menimce, kerçekten de qullanılacaq, çünki anda o qadar çoq şey aytıldı ki, buña köz yummaq imkânsız, ve bu deliller ne qadar çoq olsa, olarnı apiske almaq imkânımız o qadar çoq olur", — dep Sedova qayd etti.
Uquq qorçalayıcı, malümatnı suniy zekâsınıñ yardımı ile toplaylar, dep qoştı.
Uquqçı Anna Mıkıtenko añlattı ki, halqara uquq, genotsid ya da insaniyetlikke qarşı cinayetlerge çağırmağan taqdirde, cenk vaqtında propaganda yapmağa yasaq etmey. Uquq qorçalayıcılar başqa bir yolnı seçtiler: olar vatandaşlarğa ve infrastrukturağa yapılğan ücümlerde iştirak etkenini isbatladılar.
"Olar, vatandaşlıq infrastrukturasınıñ yoq etilmesinde iştirakçi olaraq taqip etileler, vatandaşlıq ealige qarşı yapılğan ücümlerde iştirakçi olaraq taqip etileler. Anda, hususan, eki çeşit cemaatçılıq qullanıla. Bu, ingliz tilinden yımşaq tercime etip, ukrayin qanunlarına qıyaslasaq, cinayetke teşviq etüv ve cinayetke yardım etüvdir", — o dedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
