"Sarı şerit" areketiniñ faalleri işğal etilgen Qırımda yañı aktsiyalarnı teşkil ettiler. Qarşılıq timsalleri Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Simferopol (Aqmescit) ve Yaltanıñ çoq adamlı yerlerinde peyda oldılar.
Areket Telegramda bu aqqında bildirdi.
Faaller Qırım şeerleriniñ merkeziy rayonlarında sarı-mavı şeritler ve stikerleri yazılar tarqattılar, ukrayin tirenüvi işğal altında bile devam etkenini köstereler.
"Yalta, Sevastopol (Aqyar) ve Simferopolnıñ (Aqmescitniñ) çoq adamlı yerlerinde yañı timsaller peyda oldı, işğalciler olarnı körsinler dep: olarnıñ vaqtı keçe, ukrainler ise yalıñız olmağanlarını ve işğalden azat etilüvniñ kelmesi kerek olğanını bileler", — dep "Sarı Şerit" areketinde qayd ettiler.
Hatırlatamız, "Sarı şerit" areketi de ukrayin yazısı ve tili kününe qarşı "Ї" adlı narazılıq aktsiyasını teşkil etti. O vaqıt Melitopol, Sevastopol (Aqyar), Donetsk, Luğansk, Yevpatoriya, Mariupol, Tavriya şeerlerinde qarşılıq timsalleri tarqalğan edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
