İşğalciler "devlet hainligi"nden ğayrı, 39 yaşındaki qadınnı daa "siyasiy nefret sebebinden yapılğan vandalizm" maddesi boyunca qanunsız şekilde "mahkeme ettiler". İşğalli tahqiqat işğal etilgen Qırım sakinini "Ukraina istihbaratı içün çalışqanında" qabaatladı.
İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokuraorlığı bunı bildirdi.
İşğalciler qanunsız "qabaatlavlar" içün sebep olaraq, onıñ UMNniñ Bİİ ile "işbirlik"ni adlandıralar — qadın Telegram vastasınen Rusiye ordusı aqqında malümat berdi.
İşğalli tahqiqatçılar qadınnı siyasiy sebeplerden "vandallıq" yapqanında qabaatladılar. Olarnıñ aytqanına köre, o, işğal etilgen Sevastopolda (Aqyarda) Anna Ahmatova adına parkta Rusiyege qarşı nefret ifadelerini yazğan edi.
"Qayd etilgenine köre, mahküm etilgen qadın "Rusiye Federatsiyasınıñ havfsızlığı"na qarşı areket etken Telegram-kanalınıñ idarecisi olğan Ukrayina Mudafaa nazirliginiñ Devlet sıñır hızmetiniñ temsilcisinen gizli şekilde işbirlik yapqan edi. Bu işbirlik çerçivesinde 2023 senesi çiçek-boş ayları devamında o, Sevastopol Rusiye Silâlı quvetleriniñ obyektleriniñ yerleşüv yerleri, arbiy gemiler ve aviatsiya areketleri aqqında malümat topladı ve olarnı "Rusiyege qarşı" qullanmaq içün chatbot kanalına berdi", — dep haberde bildirildi.
İşğalli uquq qoruyıcılar qanunsız sürette mahküm etilgen qadınnıñ adını aytmay, "mahkeme"niñ videosında ise onıñ yüzü gizlengen. Ukrayina tarafı bu meseleni daa izaatlamadı.
İşğalli mahkeme qadına umumiy rejimli müstemlekede 13 yıl ve 3 ayğa azatlıqtan marum etüv ve 1 yıl ve 6 ayğa azatlıqtan marum etüv cezasını berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
