Orta küz ayınıñ 27-nde işğal etilgen Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) Cenübiy körfezde yaldayıcı kran yıqılğan soñ, 409 biñ kvadrat metrlik neft mahsuatı lekesi tapıldı.
Rusiye Federatsiyasınıñ tabiat qullanuvı saasında nezaret federal hızmetiniñ saytında bu aqqında aytıla.
Rusiye mütehassısları orta küz ayınıñ 27-nde Sevastopolnıñ (Aqyarnıñ) Cenübiy körfezinde yaldayıcı kran yıqılğan yerde, umumen 409 biñ kvadrat metrlik suvda, kök quşağı damartıları ve cermay mahsulatı lekeleri şeklinde kirlilik qayd ettiler.
"Rosprednadzornıñ Qara deñiz-Azaq deñizi idaresi, Sevastopol (Aqyar — terciman) şeeriniñ Cenübiy körfezinde yük köterüv sınav işleri esnasında yaldayıcı kran suvğa batqanı aqqında haber aldı. Topraqnı teşkergende suv yüzünde kök quşağı damartıları ve neft mahsulatı lekeleri şeklinde kirlilik tapıldı. Qara deñiz suvlarınıñ kirlenüv meydanlığı 409 038,24 kvadrat metr teşkil etti", — dep haberde bildirildi.
Qayd etilgenine köre, Rusiye nezaretçileri deñiz suvunıñ örneklerini alıp, kirleyici maddelerniñ (naft mahsulatlarınıñ) kontsentratsiyasını belgilediler. Şimdi Sevastopolnıñ (Aqyarnıñ) Cenübiy körfezini temizlev işleri devam ete.
Hatırlatamız ki, orta küz ayınıñ 27-nde işğal etilgen Sevastopolnıñ (Aqyarnıñ) Cenübiy körfezinde "Sevmorzavod"da yapılğan işler vaqtında yaldayıcı kran yıqıldı. İşğalciler 15 insannı qurtarğanlarını bildirdiler, olardan 7-si yengil ve orta ağır yaralanıp hastahanege alındı. Daa soñ, eki adamnıñ ölümi aqqında belli oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
