İşğalciler, Qırımda teraktnıñ ögüni alğanlarını bildirdiler. Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki FSBniñ versiyasına köre, Rusiye kontrolindeki yarımadanıñ İçki işler nazirliginiñ yetekçi yolbaşçısınıñ maşnasını patlatmağa planlaştırğan 19 yaşındaki Qırım sakini tutuldı.
İşğalli FSBge atfı etip, RİA "Novosti Krım" bunı bildirdi.
"Cinayetini azırlamaq içün genç, polisniñ evi yanında bir daire kiraladı ve nezaret qurdı. FSBniñ bildirgenine köre, patlayıcı maddelerini o, ukrayin tarafı azırlağan gizli yerden aldı. Öz başına yapılğan patlayıcı aletni uquq qorçalayıcınıñ maşnasınıñ altına qoyacaq edi. Terror etecek soñ, qabaatlanğan oğlan Avropa memleketlerinden birinde yaşamaq içün ketecek edi", — dep haberde qayd etildi.
Tutulğan oğlan qabaatını tanıdı, dep RİA "Novosti Krım" yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
