Qırımdaki RLSnıñ yoq etilmesi yarımadada Rusiye arbiy-deñiz quvetleriniñ küçüni zayıflaştırdı — böyle bir mahsus operatsiya aqqında orta küz ayınıñ 26-nda Baş istihbarat idaresi haber etti, dep USQnin Arbiy deñiz quvetleriniñ matbuat kâtibi Dmıtro Pletçençuk izaatladı.
O, Suspilne canlı yayınında bu aqqında ayttı.
"Nezaret vastaları olmasa, uçuruv aleti çöp ola. Onıñ içün böyle aktsiyalar ara-sıra devam ete, çünki bu ateş tesiriniñ bir qısmıdır. Bundan soñ, elbette ki, endi doğrudan ateş açmaq içün daa çoq imkân peyda ola — AM sistemalarına degil de, esas maqsatlarğa. Bu kibi obyektler daa çoq olacaq. Planlarımıznı ilân etmeycekmiz", — dep Dmıtro Pletçençuk ayttı.
Onıñ aytqanına köre, bütün mahsus operatsiyalar aqqında açıq şekilde aytmaylar.
"Ya da Rusiye Mudafaa nazirligi malümatnı o qadar deñiştire ki, bizler bu esnasqa basqı yapıp, neticelerni aydınlatamız", — dep USQniñ Arbiy deñiz quvetleriniñ matbuat hızmetçisi qoştı.
Bundan da ğayrı, o, işğal etilgen yarımadada desant gemisiniñ yoq etilmesini izaatladı. Dmıtro Pletençuk hatırlattı ki, ruslar "Dnipro flotilyası"nı meydanğa ketirdiler ve bazı vastalarnı qullanıp turalar.
"Qırımda bu kibi vastalar alâ daa bar. Olar qıtağa doğru bir telüke teşkil etmey, amma er alda duşman vastaları ve, elbette, qanuniy bir maqsat olalar. Bugün qullanmasalar, yarın qullanmaycaqlarını añlatmay. Mümkün olsa, böyle obyektler de yoq etile. Qırımda desant qayıqları qala, amma olar cenkke azır degil — olarnı nevbetteki tamirden soñ zarar kördiler ve tamir limanlarına qaytmağa mecbur oldılar", — dep o ayttı.
Hatırlatamız ki, ukrayin istihbaratçıları vaqtınca işğal etilgen Qırımda Rusiye işğalcileriniñ arbiy obyektlerine nevbetteki ücümni yaptılar.
Ukrayina Mudafaa nazirliginiñ Bİİniñ mahsus bölügi ''Primarı''nıñ operatsiyası neticesinde üç radiolokatsiya stantsiyası ve duşmannıñ desant katerini urdılar. Orta küz ayınıñ 26-nda Ukrayina Mudafaa nazirliginiñ Bİİ bildirdi.
Qayd etilgenine köre, istihbarat-ücüm operatsiyası Rusiye ava mudafaasınıñ faal çalışmasına baqmadan yapıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
